නේවාසික ලාංකිකයන්ට ඇති ලොක්ඩවුන් විදේශිකයන්ට නෑ

0

මාරාන්තික වසංගත ව්‍යාප්තිය පාලනය සදහා දින දහයක කාල සීමාවක් සදහා රට අගුලා දමා ඇති නමුත් ශ්‍රී ලංකාවට පැමින සිටින සංචාරකයන්ට බාධාවන්ගෙන් තොරව රට වටා යාමට ආණ්ඩුව අවසර දී ඇති බව සංචාරක අමාත්‍යාංශය පවසයි.

ඉංශ්‍රීසි බසින් පළවන ජාතික පුවත්පතක් ඒ සම්බන්ධයෙන් සෞඛ්‍ය සේවා අධ්‍යක්ෂ ජනරාල්ගෙන් (DGHS) කළ විමසුමකදී ඔහු පවසා ඇත්තේ විදේශ සංචාරකයන්ට සීමා රහිතව තමන් කැමති සංචාරක ගමනාන්තයන්ට ප්‍රවේශ වීමට අවසර දෙන්නැයි අදාළ සියළුම බලධාරීන් වෙත සංචාරක අමාත්‍යාංශයේ ලේකම්වරයා විසින් ලිඛිතව දැනුම් දී ඇති බවයි.

සංචාරකයන්ට බැහැරට යාමට අවසර දී ඇති අතර අදාළ සියළුම බලධාරීන්ට ඒ සම්බන්ධයෙන් දැනුම් දී ඇති බවත් සංචාරකයන්ගේත් ඔවුන්ට සමීපව සිටින අයගේත් ආරක්ෂාව සඳහා දැනටමත් පනවා ඇති සෞඛ්‍ය මාර්ගෝපදේශවල පවතින තහංචි හැර වෙනත් කිසිදු බාධාවකට මුහුණ දීමට සිදු නොවනු ඇති බව ‘මෝනිං බිස්නස්’ කළ විමසුමකදී සංචාරක අමාත්‍යාංශයේ ලේකම් එස්.හෙට්ටිආරච්චි පවසා තිබේ.

ඔහු තවදුරටත් පවසා‌ ඇත්තේ වනජීවි දෙපාර්තමේන්තුවට සහ සංචාරක ව්‍යාපාරයේ අනෙකුත් අදාළ ස්ථානවලත්, යාල ඇතුළු ජාතික වනෝද්‍යානවලත් බලධාරීන්ට තම තමන්ගේ බාරයේ ඇති සංචාරක ස්ථාන විවෘතව තබා සංචාරකයන්ට ඔවුන්ගේ සංචාර වල යෙදීමට හැකිවන පරිදි අඛණ්ඩව ක්‍රියාත්මක කරන ලෙස තමා ලිඛිතව දැනුම් දී තිබෙන බවයි.

කාලයේ මදිපාඩු කම් හේතුවෙන් අමාත්‍යාංශයට නිල චක්‍රලේඛ යැවීමට අපහසු වූ නමුත් සංචාරක මෙහෙයුම් කටයුතු කරගෙන යාමට අවශ්‍ය හදිසි උපදෙස් තමන් විසින් ලබා දුන් බව ඔහු තව දුරටත් සදහන් කර තිබේ.

“මේ මොහොතේ නිල චක්‍රලේඛ නිකුත් කිරීමට අපට කාල වේලාව මදි නිසා, මම ලිපියක් සකස් කර එය වනජීවී සංරක්‍ෂණ දෙපාර්තමේන්තුව වැනි අදාළ අංශ වල බලධාරීන් සහ නිලධාරීන් අතර බෙදා හැරීමට කටයුතු කලා. අධ්‍යක්ෂ ජනරාල් වරයාටත් බාර දුන්නා. ඊට අමතරව, මම තවදුරටත් පැහැදිලි වෙන්න සංචාරක ව්‍යාපාරය ක්‍රියාත්මක කිරීමට අවසර ඇති බව කියා තිබෙන සෞඛ්‍ය සේවා අධ්‍යක්ෂ ජනරාල්වරයාගේ ලිපිය හා පොලිස්පතිවරයා ලිපියත් ඒ සමග ඉදිරිපත් කරණු ලැබුවා”

සීමිත කාර්ය මණ්ඩලයක් සහිතව කටයුතු කරන බැවින් දැරිය හැකි මට්ටමේ සාධාරණ ප්‍රමාණයක් සංචාරකයන් පිළිගැනීමට අදාළ සියලු පාර්ශව එකඟ වූ බව සංචාරක අමාත්‍යාංශයේ ලේකම් එස්.හෙට්ටිආරච්චි සදහන් කරයි.

දුෂ්කරතා මධ්‍යයේ වුවද ඔවුන් එකඟ බව පවසන ලේඛම්වරයා තව දුරටත් සදහන් කරන්නේ සංචාරකයන්ට ඔවුන්ගේ චාරිකා සිතියම අනුව ගමන් කළ හැකි වන අතර ඒවා 100% පූර්ණ ලෙසින් ක්‍රියාත්මක නොවනු ඇතිමුත්, දරාගැනීමේ ශක්තියේ සීමාවන් යටතේ ඒවා ක්‍රියාත්මක වනු ඇති බවයි.

මේ වන විට දිනකට සංචාරකයන් 300 ත් 400 ත් අතර ප්‍රමාණයක් පැමිණෙන නමුත් ඔවුන් සියලු දෙනාම එකවරම එකම සංචාරක ගමනාන්තයන් වෙත යෑමට කැමති නොවනු ඇති බව පෙන්වා දෙන සංචාරක අමාත්‍යාංශයේ ලේකම් එස්.හෙට්ටිආරච්චි අවධාරණය කරනනේ ඇතැම් සංචාරකයන් වෙරළබඩ ප්‍රදේශ ගැන උනන්දුවක් දක්වනු ඇති අතර ඇතැම් සංචාරකයන් උඩරට හෝ වෙනත් ස්ථානයක් ගැන උනන්දුවක් දක්වනු ඇති බවයි.

එවන් තත්වයක් යටතේ එක් එක් ගමනාන්ත බාරකරුවන්ට තම කටයුතු ඒ ඒ සීමා යටතේ ආරක්ෂිතව ක්‍රියාත්මක කළ හැකි බවද ඔහු සදහන් කර තිබේ.

Facebook Comments

wedding people