බැන් කි මූන් අද ලංකාවට

0
403
Portrait of SG
wedding people
Loading...

එක්සත් ජාතීන්ගේ මහ ලේකම් බෑන් කී මූන් නිල සංචාරයක් සඳහා අද දිවයිනට පැමිණීමට නියමිතව ඇත.

රජයේ අරාධනාවක් මත දිවයිනට පැමිණෙන මහ ලේකම්වරයා දින දෙකක් මෙරට රැඳී සිටීමට නියමිතය.

ඔහු සමඟ ශ්‍රී ලංකාවේ එක්සත් ජාතීන්ගේ නේවාසික සම්බන්ධීකාරක හා එක්සත් ජාතීන්ගේ සංවර්ධන වැඩසටහනේ නේවාසික නියෝජිත උනා මැකෝලි ද මෙරටට පැමිණෙන බව එක්සත් ජාතීන්ගේ සංවිධානය නිවේදනය කරයි.

සංචාරය අතරතුර බෑන් කී මූන් ජනාධිපති මෛත්‍රීපාල සිරිසේන , අග්‍රාමාත්‍ය රනිල් වික්‍රමසිංහ සහ පාර්ලිමේන්තු මන්ත්‍රීවරුන් පිරිසක් හමුවීමට නියමිත වේ.

හෙට දිනයේ එක්සත් ජාතීන්ගේ මහලේකම්වරයා “සංහිදියාව හා සහජීවනය – තරුණයාගේ කාර්යභාරය”යන තේමාව යටතේ ගාල්ලේ පැවැත්වෙන තරුණ වැඩසටහනටද සහභාගී වන බව එක්සත් ජාතීන්ගේ සංවිධානය පවසයි.

සැප්තැම්බර් 02 වනදා ඔහු යාපනයේ සංචාරය කිරීමට සැලසුම් කර ඇති අතර එහිදී නැවත පදිංචි කිරීමේ ප්‍රදේශ නිරීක්ෂණය කිරීමට එක්වන බව සඳහන්ය.

අනතුරුව මහලේකම්වරයා ලක්ෂමන් කදිරගාමර් කේන්ද්‍රයේදී විශේෂ දේශනයකට සහභාගී වීමට නියමිතව ඇත.

පලාත් සභා මන්ත්‍රීන් හමුවීම ප්‍රතික්ෂේප කරයි

එක්සත් ජාතීන්ගේ මහ ලේකම් බැන් කී මූන් උතුරු මහ ඇමති සීවී විග්නේෂ්වරන් හෝ උතුරු පළාත් සභා මන්ත්‍රීන් හමුවී සාකචිඡා කිරීම ප්‍රතික්ෂේප කර ඇති බව උතුරු පළාත් සභා මන්ත්‍රී එම් කේ සිවාජලිංගම් පවසනවා.

මහ ලේකම්වරයා යාපනයේ සංචාරයේදී උතුරු ආණ්ඩුකාර රෙජිනෝල්ඩ් කුරේ, විපක්ෂ නායක ආර් සමිබන්ධන් හමුවීමට නියමිත බවද වාර්තාවේ.

Facebook Comments

Loading...