පීඩාවට පත්ව සිටින දෙමළ ජනයාගේ විරෝධතාවයන් හෙලා දකිමින් ජනාධිපතිවරයා විසින් කරන ලද ප්‍රකාශය සිංහල දේශපාලකයන්ට දෙමළ ජනයාගේ ප්‍රශ්න විසඳීමට ඇති නොවුමනාව පෙන්නුම් කරනු ලබන හොඳම උදාහරණයක් බව දෙමළ ජනතා විමුක්ති පෙරමුණේ නායකයා පවසයි.
යුද්ධය නිමාවීත් වසර අටක් තිස්සේ රැවටීමට ලක්ව ඇති ජනතාව ඔවුන්ගේ පීඩාව ලෝකයට කියා පෑමට කරන විරෝධතා පිළිබඳව ජනාධිපතිවරයාට නොතේරෙන්නේ දැයි ගජේන්ද්‍ර කුමාර් පොන්නම්බලම් සිලෝන් නිවුස් වෙත විශේෂ ප්‍රකාශයක් දෙමින් ප්‍රශ්න කර සිටියේය.
තම අයිතීන් ඉල්ලා සටන් කරන දෙමළ ජනයාගේ විරෝධතා “බිස්නස් එකක්” බවට ජනාධිපතිවරයා බීබීසියට සම්මුඛ සාකච්ඡාවක් දෙමින් ප්‍රකාශ කර තිබුනි.
“ඒගොල්ලො මේ බිස්නස් එකක්නෙ කරන්නෙ තවමත් ඊළම ගැන කතා කර කර ඒගොල්ලන්ගේ ආයතනික වශයෙන් සංවිධානය වී සල්ලි හම්බු කරන එක තමයි කරන්නේ. ඒ ගොල්ලන්ට නැත්නම් වෙන සටන් පාඨයක් නැහැ,”
දෙමළ ජනයාගේ විරෝධතා එල්ල්ටීටී හෝ NGO විරෝධතා ලෙස හඳුන්වා දී ප්‍රතික්ෂේප කිරිම හොඳ දෙයක් බව කී දෙමළ ජනතා විමුක්ති පෙරමුණේ නායකයා ගජේන්ද්‍ර කුමාර් පොන්නම්බලම් එවැනි දේ හරහා දෙමළ ජනයාගේ ප්‍රශ්න නොවිසඳන බවට කියා පෑමක් බවයි පෙන්වා දෙන්නේ.
සිංහල පක්ෂ ඔක්කොම එකයි
“සිංහල පක්ෂ කවදාවත් දෙමළ ජනයාගේ ප්‍රශ්න වලට හරියාකාරව විසඳුමක් සොයා ගන්න සුදානම් නැහැ කියන එක අපි කිව්වා. මේක මහින්ද රාජපක්ෂගෙ ප්‍රශ්නයක් මෛත්‍රීයි රනිල් වෙනයි ඒ අය අනිවාර්යෙන්ම මේ ප්‍රශ්නයට විසඳුමක් දෙයි කියපු බොරුව පීඩනයට පත් වෙච්ච ජනතාවට පිලිගන්න පුලුවන් විදියට මෛත්‍රීපාල සිරිසේන එයාගෙ කටින් හෙලිදරව් කරල තියෙනවා,” යි ගජේන්ද්‍ර කුමාර් කියා සිටියේය.
දෙමළ ජනයාගේ ප්‍රශ්න වලට විසඳුම් ලබා දිය හැක්කේ පීඩනයට පත් දෙමළ ජනතාව සහ සිංහල ජනයාගේ සහයෝගීතාවයක් හරහා පමණක් බවට දෙමළ ජනතා විමුක්ති පෙරමුණේ නායකයා ගජේන්ද්‍ර කුමාර් පොන්නම්බලම් දැඩිව විශ්වාසය පල කළේය.
Facebook Comments
