යහපාලන රජය බලයට පත් වන විට යුද්ධය හේතුවෙන් උන්හිටි තැන් අහිමිව සිටි හතලිස් දහසකට වැඩි පිරිසෙන් මෙතෙක් නැවත පදිංචි කර ඇත්තේ හාරදහසකටත් අඩු පිරිසක් බව රජයේ වාර්තා වලින් හෙළිවේ.
යුද ගැටුම අවසාන වී අවුරුදු නමයකට ආසන්න කාලයක් ගතවී තිබුනත් උතුරු නැගෙනහිර හතලිස් දහසකට වැඩි පිරිසක් තම මුල් ගම්බිම් කරා යා නොහැකිව සිටින බව නැවත පදිංචි කිරීමේ සහ පුනරුත්ථාපනය කිරීමේ අමාත්‍යාංශය විසින් නිකුත් කර ඇති සංඛ්‍යා ලේඛන වල දක්වා ඇත.
එම ලේඛන වලට අනුව පසුගිය අවුරුද්දේ ඔක්තෝබර් වනවිට පවුල් 12, 674 ක සාමාජිකයන් 40, 938 කට ආපසු තමන්ගේ ගේදොර කරා යාමේ අවස්ථාව උදාවී නැත.
මේ අතරින් අති විශාල පිරිසක් උන්හිටි තැන් අහිමි වීමට පෙර ජීවත්වී ඇත්තේ යාපනය දිස්ත්‍රික්කයේය. එයින්ද 70% ක් වන විසිපන්දහසකට අධික ජනකායගේ වාසභූමිය පලාලි යුද හමුදා කඳවුරට පවරා ගෙන ඇති තෙලිප්පලෙයි ප්‍රදේශයේය.
සෙසු පිරිස කිලිනොච්චි, වවුනියා, මුලතිව්, මන්නාරම, ත්‍රිකුණාමලය සහ මඩකලපුව යන දිස්ත්‍රික්ක වල ජිවත් වු පිරිස් බවයි එම අමාත්‍යංශය පවසන්නේ.
Facebook Comments
