නව රේගු අධ්‍යක්ෂවරයා පත් කරන ලද්දේ කැබිනට් මණ්ඩල තීන්දුවකට අනුව බැවින් ඊට විරුද්ධ වීමට වෘත්තීය සමිතිවලට හැකියාවක් නොමැති බව මුදල් හා ජනමාධ්‍ය අමාත්‍යවරයා රේගු වෘත්තිය සමිති වෙත පෙන්වා දී තිබේ.
රේගු වෘත්තිය සමිති නියෝජිතයින් සමඟ 01 සිකුරාදා මුදල් අමාත්‍යංශයේ පැවති සාකච්ඡාවේදී අමාත්‍ය මංගල සමරවීර වෘත්තිය සමිති නියෝජිතයින් හට මේ බව පවසා ඇත.
රජයේ ප්‍රතිපත්ති ඉදිරියට ගෙන යා හැකි කාර්යක්ෂම නිලධාරීන් ප්‍රධානීන් ලෙස පත්කිරිමට කැබිනට් මණ්ඩලයට බලයක් තිබෙන බවද එම සාකච්ඡාවේදී ඇමැතිවරයා වෘත්තිය සමිති වෙත පැහැදිලි කර දී තිබේ.
වැඩබලන අධ්‍යක්ෂක ජනරාල්වරයකු පත්කර ඇති හෙයින් ඔහුත් සමඟ කටයුතු කරගෙන යන ලෙසද අමාත්‍ය මංගල සමරවීර වෘත්තිය සමිති නියෝජිතයින්ගෙන් ඉල්ලා ඇත.
කෙසේ වෙතත් අමාත්‍යවරයා සමඟ පැවති සාකච්ඡා අසාර්ථක වු බව පවසන රේගු වෘත්තිය සමිති අකුරට වැඩ කිරිමේ වෘත්තිය ක්‍රියා මාර්ග ඉදිරියටත් පවත්වාගෙන යන බවයි පවසන්නේ.
Facebook Comments
