මුදල් විශුද්ධිකරණ පනත යටතේ සිදුකරන පරීක්ෂණයකට අදාළව පාර්ලිමේන්තු මන්ත්‍රි නාමල් රාජපක්ෂ ඇතුළු පුද්ගලයන් 06 දෙනෙකු වහාම අත්අඩංගුවට ගන්නැයි කොළඹ මහේස්ත්‍රාත් නිශාන්ත පිරිස් නියෝග කර තිබියදී ඊයේ (08) පැවති නඩුවකට පෙනී සිට නාමල් රාජපක්ෂ ආපසු පිටව ගියේය.
‘හෙලෝ කෝප්’ ආයතනයෙන් රුපියල් දස ලක්ෂ එකසිය විසිපහක කොටස් මිලට ගෙන ඇතැයි කියන සිද්ධියක් සම්බන්ධව මෙසේ අත්අඩංගුවට ගෙන අධිකරණයට ඉදිරිපත් කරන ලෙස පසුගිය 28වනදා කොළඹ මහේස්ත්‍රාත් නිශාන්ත පිරිස් විසින් පොලිස් මුල්‍ය අපරාධ විමර්ශන කොට්ඨාසයට නියෝග නිකුත් කළේය.
නියෝගය නිකුත් කර දින 9 පමණ ගතවුවද මෙතෙක් නාමල් රාජපක්ෂ හෝ වෙනත් කිසිවෙකු අත්අඩංගුවට ගෙන නොමැති අතර පොලිස් මුල්‍ය අපරාධ විමර්ශන කොට්ඨාසය විසින්ම ගොණු කර ඇති වෙනත් නඩුවකට පෙනී සිටන විටද ඔහු අත්අඩංගුවට ගැනීමට පොලිස් මුල්‍ය අපරාධ විමර්ශන කොට්ඨාසය ක්‍රියා නොකළේය.
ඩීල් දේශපාලනය හේතුවෙන් තවමත් රාජපක්ෂවරුන් වැජ‍ෙඔමින් සිටන බවත් යහපාලනය බිහි කලද මෙතෙක් අපරාධකරුවන්ට නිසි දඬුවම් නොලැබී ඇතැයිද නම සඳහන් කිරීමට අකමැති වු යහපාලන රජය බලයට පත්කිරීමට ක්‍රියාකළ පුරවැසි ක්‍රියාකාරියෙකු සිලෝන් ජර්නල්ස් වෙත පවසා සිටියේ.
Facebook Comments
