සංහිඳියාව වැඩිපුරම ඇති කිරීමට කටයුතු කළ යුත්තේ දකුණේ බව හිටපු ජනාධිපතිනිය පවසයි.
ඒ හරහා දකුණේ ජනතාවගේ ආකල්ප වෙනස් කළ යුතු බවයි ජාතික සමඟිය හා සංහිඳියා කාර්යාංශයේ සභාපතිනිය, හිටපු ජනාධිපතිනි චන්ද්‍රිකා බණ්ඩාරනායක කුමාරතුංග පවසන්නේ.
ජාතික සංහිඳියාව හා සමගිය කාර්යංශය හා විශ්ව විද්‍යාල ප්‍රතිපාදන කොමිසම එක්ව දියත් කෙරෙන උසස් අධ්‍යාපනය තුළින් ජාතික සංහිඳියාව හා සමගිය ප්‍රවර්ධනය කිරීමේ ජාතික සැලැසුම ඊයේ (10) එළිදැක්විමේ මාධ්‍ය හමුවේදී ඇය මේ බව ප්‍රකාශ කළේය.
පසුගිය කාලයේ දී විශ්වවිද්‍යාල සිසුන් අත්හැරදමා තිබූ පිරිසක් බවත් පෙන්වාදී ඇති ඇය අවධාරණය කර ඇත්තේ රටේ උසස් ම අධ්‍යාපනය ලබාගෙන රටේ අනාගතය භාරගැනීමට සිටින අයවලුන් ක්‍රියාකාරීව රටේ අනාගතය සඳහා යොදාගත යුතු බවයි.
ජාතික සමගිය සහ සංහිඳියා කාර්යාංශය විශ්වවිද්‍යාල ප්‍රතිපාදන කොමිෂන් සභාව ඒකාබද්ධව දියත් කරන උසස් අධ්‍යාපනය තුළින් ජාතික සමගිය හා සංහිඳියාව ප්‍රවර්ධනය කිරීමේ වැඩසටහන හරහා දැනුම මෙන් ම සමාජය පිළිබඳ ව ගැඹුරු වැටහීමක් විශ්වවිද්‍යාල සිසු සිසුවියන් වෙත ලබාදීම අරමුණ බවද පෙන්වා දී ඇති ඇය වැඩි දුරටත් අවධාරණය කර ඇත්තේ වසර 30ක් පුරා යුද්ධයක් පැවැති වාතාවරණයක් තුළ රටේ පොදු මහජනතාවගේ මෙන් ම විවිධ ජාතීන් හා ආගමිකයන් අතර සංහිඳියාවක් දැකගත නොහැකි බු බවයි.
Facebook Comments
