පසුගිය පාලන සමයේ මිග් යානා ගෙන්වීමේදී සිදුවූ බව කියන අක්‍රමිකතාවන්ට අදාළ ප්‍රධාන ලිපි ලේඛන අතුරුදහන්ව ඇති බව පොලිස් මූල්‍ය අපරාධ විමර්ශන කොට්ඨාසය අධිකරණයට දැනුම් දී තිබේ.
අදාළ නඩුව අද(09)කැඳවූ අවස්ථාවේදී කොටුව මහේස්ත්‍රාත් ලංකා ජයරත්න මෙනවිය හමුවේ කරුණු දක්වමින් පොලීසිය විසින් මේ බව ප්‍රකාශ කර ඇත.
රුසියාවේ හිටපු ශ්‍රී ලංකා තානාපති උදයංග විරතුංගට එරෙහිව සිදුකරන පරීක්ෂණවලදී මිග් යානා ගනුදෙනුව සම්බන්ධයෙන් සිදුවූ අක්‍රමිකතා ගැන සෙවීමේදී මෙම ගනුදෙනුවට අදාළ පුමුඛ ලියකියවිලි අත්‍යවශ්‍යව ඇතත් ඒවා අතුරුදහන්වී ඇති බවට පොලීසිය විසින් අධිකරණයට වාර්තා කර තිබේ.
මෙම ලේඛන අතුරුදහන්වීම සම්බන්ධයෙන් වහාම පරීක්ෂණයක් සිදු කරන ලෙසට මහේස්ත්‍රාත්වරිය විසින් නියෝග කර ඇති අතර එම පරීක්ෂණ සිදුකරගෙන යාමේදී ඊට අදාළව වගකිවයුතු අය සිටීනම් ඔවුන්ට එරෙහිව නීතිමය ක්‍රියා මාර්ග ගන්නා ලෙසටද පොලිස් මූල්‍ය අපරාධ විමර්ශන කොට්ඨාසයට නියෝග කළේය.
Facebook Comments
