සීමාව පැන “ජිනිවා ගැටේ” ලිහන්න යන ජනපතිට එජාපය අනතුරු අඟවයි

0
959
wedding people
Loading...

සිව් වසරකට පෙර එක්සත් ජාතීන්ගේ මානව හිමිකම් මණ්ඩලයේදී වර්තමාන ආණ්ඩුවද හවුල් වී සම්මත කරගත් සංහිඳියාව, වගවීම සහ මානව හිමිකම් නගා සිටුවීම සම්බන්ධ 30/1 යෝජනා මාලාව වෙනස් කිරීමට ජනාධිපතිවරයා උත්සාහ දැරීම හරහා නැවත අර්බුදයක් මතු විය හැකි බවට එක්සත් ජාතික පක්ෂය අනතුරු අඟවා තිබේ.

එක්සත් ජාතීන්ගේ මානව හිමිකම් මණ්ඩලය සමඟ හවුලේ සම්මත කර ගත් යෝජනා “ගැටයක්” ලෙස හැඳින්වු ජනාධිපතිවරයා එය ලිහා ගැනීමට තමන්ගේ නියෝජිතයින් තුන් කට්ටුවක් ජිනීවා යවන බව ප්‍රකාශ කර තිබුණි.

ආචාර්ය සරත් අමුණුගම හා මහින්ද සමරසිංහ යන විපක්ෂ මන්ත්‍රී දෙපල සමග උතුරේ ආණ්ඩුකාර සුරේන් රාඝවන් මානව හිමිකම් මණ්ඩල සැසිවාරයට යවනු ලබන තිදෙනායි.

කෙසේ වෙතත් එසේ ජිනීවා වෙත නියෝජිතයන් යැවීමට විරෝධය පළ කර සභානායක,අමාත්‍ය ලක්ෂමන් කිරිඇල්ල 2015 ගිවිස ගත් යෝජනා වෙනස් කිරිමේ අවශ්‍යතාවක් නැතැයි 13 බදාදා පාර්ලිමේන්තුවේදී අවධාරණය කළේය.

ශ්‍රී ලංකාව තුල සංහිඳියාව ඇති කිරිමට රජය ගත් පියවරයන් සම්බන්ධව එක්සත් ජාතීන්ගේ මානව හිමිකම් මණ්ඩලය විසින් සිය ප්‍රසාදය පළ කර ඇති බවද අමාත්‍යවරයා පෙන්වා දුන්නේය.

“මේ යෝජනාව වෙනස් කරන්න එපා. අපිට එක්සත් ජාතීන්ගේ මානව හිමිකම් කවුන්සිලේ ප්‍රධාන අය කියල තියෙනවා මේ යෝජනා තවදුරටත් ලිහිල් කරන්න පුලුවන් ලංකාවට ගැලපෙන සියලු ජාතීන්ට පිළිගන්න පුලුවන් ව්‍යවස්ථාවක් හදලා, බලය විමධ්‍ය ගත කරලා, අපි ව්‍යවස්තාවක් හැදුවොත් අපිට මේ සමහර බරපතල චෝදනා අපිට පුලුවන්.”

විධායක ජනාධිපති ක්‍රමය අහෝසි කිරීමට හා මැතිවරණ ක්‍රමය පිළිබඳව එකඟතාවයක් නොමැති වුවද බලය බෙදා හැරීමට සියලු දෙනා එකඟ බව ද අමාත්‍ය ලක්ෂ්මන් කිරිඇල්ල ප්‍රකාශ කළේය.

දැනට ගිවිස ගෙන ඇති යෝජනා වෙනස් කල හොත් එය විශාල වශයෙන් රට ආපස්සට යාමක් බව අමාත්‍යවරයා අවධාරණය කරන ලදී.

ජනාධිපති සීමාව පැනලා

ජනාධිපති මෛත්‍රීපාල සිරිසේන තම සීමාව හඳුනාගත යුතු බව මෙන්ම ඔහු සීමාව ඉක්මවා ගොස් ඇති බවට ද අමාත්‍ය ලක්ෂ්මන් කිරිඇල්ල පාර්ලිමේන්තුවේදී චෝදනා කළේය.

“ජනපතිතුමා එතුමාගේ සීමාවන් හඳුනා ගත්තේ නෑ. එතුමා එතුමාගේ සීමාවන් හඳුනා ගන්න ඕන. අපි අනිත් කෙනාගේ සීමාවට ගියෝත් අර්බුදයක් ඇතිවෙනවා. අද අර්බුදයක් ඇති ව තිබෙනවා. ව්‍යවස්ථාවයි අධිකරණයි තමන්ගේ සිමා දන්නේ නැතිව අනිත් අයගේ සීමාවට ගියොත් අර්බුද ඇතිවෙනවා.”

ජනපති සීමාව ඉක්මවා යන අවස්ථා වලදී තමන්ට එයට එරෙහිව මැදිහත් වීමට සිදුවන බවද අමාත්‍යවරයා වැඩි දුරටත් කියා සිටියේය.

Facebook Comments

Loading...