කුමන්ත්‍රණ සිදු කර රටේ අගමැති වීමට තමන්ට අවශ්‍ය නැති බවත් අගමැති ධුරයට පත් වන්නේ ජනතාවගේ ආශිර්වාදයෙන් පමණක් බවට සුව ඇමැතිවරයා ප්‍රකාශ කර තිබේ.
දේශපාලන ක්‍රමන්ත්‍රණය පැවති සමයේ අගමැති ධුරය බාර ගන්නා ලෙසට ජනපති කළ ආරාධනාව ප්‍රතික්ෂේප කල බව කී සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න අගමැති වීමට හදිස්සියක් නැති බව ද සඳහන් කළේය.
“ජනාධිපතිතුමයි මමයි එකට අත්වැල් බැඳගෙන එළියට බැස්සේ. නමුත් එයා වැරදි කරනකොට මම එයත් එක්ක අත්වැල් බැඳගන්න ලෑස්ති නැහැ. එයා දෙවරක් මට කතා කරලා කිව්වා අගමැතිකම බාර ගන්න ඇවිත් මේ ප්‍රශ්නෙ විසඳන්න කියලා. මම කිව්වා පිටි පස්ස දොරෙන් මම අගමැති කම බාර ගන්නෙ නැහැ කියලා.” යි අමාතයවරයා ජන හහුවක දී පැවසීය.
ඉදිරි ජනාධිපතිවරණයද නියත වශයෙන්ම ජය ගන්නා බව කී සුව ඇමැතිවරයා ඒ සඳහා පුළුල් පෙරමුණක් නිර්මාණය වෙමින් පවතින බව පෙන්වා දුන්නේය.
“මේ රටේ තියෙන සිවිල් සංවිධාන, බහුජන සංවිධාන, සියලු දේශපාලන පක්ෂ මේ ඔක්කොම කට්ටිය ගේනවා රාජපක්ෂලට විරුද්ධව.” යැයි රාජිත සේනාරත්න ඇමැතිවරයා කියා සිටියේය.
පැවති රජයන්ට වඩා වත්මන් ආණ්ඩුව හොඳ බව කී සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න “කුණු වෙච්ච ගෙඩියක් දෙකක් නැත්තෙ නැහැ.”යි වැඩි දුරටත් සඳහන් කළේය.
Facebook Comments
