හින්දු දැඩි මතවාදී නායකයකුගේ ජාතිවාදී ප්‍රකාශයට නාමල්ගෙන් තල්ලුවක්

0

ඉන්දියාවේ හින්දුවාදී පක්ෂයක ප්‍රබල නායකයකු විසින් කරන ලද ශ්‍රී ලංකාවේ බහුවිධත්වයට හානිකර ජාතීන් හා ආගම් අතර බේද ඇවිස්සීමට තුඩුදෙන ප්‍රකාශයක් අග්‍රාමාත්‍යවරයාගේ පුත්‍රයා විසින් අනුමත කොට තිබේ.

නාමල් රාජපක්ෂ විසින් සිය අනුගාමිකයන් අතර බෙදාහැර ඇති භාරතීය ජනතා පක්ෂයේ (BJP) විධායක සභික සුබ්‍රමනියම් සාමිගේ ට්විටර් පණිවිඩයකින් කියැවෙන පරිදි ශ්‍රී ලංකාවේ සිංහල බෞද්ධයන් හා හින්දු දෙමළ ප්‍රජාවන් මුස්ලිම්වරුන් හා ක්‍රිස්තියානීන්ගෙන් වෙන්වූ එකම ජන කොට්ඨාසයකි.

“හින්දු අයකු යනු මුස්ලිම් හෝ ක්‍රිස්තියානි නොවන කෙනෙකි යනුවෙන් අපේ ඉන්දීය ව්‍යවස්ථාවේ 25a වගන්තියෙන් නිර්වචනය කර ඇති පරිදි ශ්‍රී ලංකාවේ හින්දු දෙමළ සහ සිංහල බෞද්ධයන් එකම ප්‍රජාවකි. ශ්‍රී ලංකාවේ සාමය සඳහා මාවතද එයම වේ. එසේ හෙයින්, අගමැති මහින්ද රාජපක්ෂ එම ඒකීය භාවය සංකේතවත් හා ප්‍රදර්ශනය කරන්නෙක් ලෙස පිලිගනිමි,” යි යන්න සුබ්‍රමනියම් ස්වාමි විසින් ලියන ලදුව නාමල් රාජපක්ෂ බෙදාගත් ට්විටර් පණිවිඩයයි.

රාජපක්ෂ පවුලේ පුද්ගලික හිතවතකු වන BJP නායකයා එම පණිවිඩය නිකුත් කර ඇත්තේ මහින්ද රාජපක්ෂගේ දේශපාලනයේ රන් ජුබිලිය වෙනුවෙන් සුබ පතමිනි.

ශ්‍රී ලංකාවේ ආගම් සහ ජාතීන් බේද කරන ප්‍රකාශයකට හිටපු මන්ත්‍රී නාමල් රාජපක්ෂ අනුමැතිය පල කළත් ඔහු ගේ පියා අගමැති පදවිය දරන ආණ්ඩුවේ විදේශ අමාත්‍ය දිනේෂ් ගුණවර්ධන ජිනීවාහිදී එක්සත් ජාතීන්ගේ මානව හිමිකම් මණ්ඩලය හමුවේ ඔවුන් පාලනය කරන රට හඳුන්වා දුන්නේ විවිධ ජන වර්ග, “විවිධ ආගම් සහ විවිධ සංස්කෘතීන්ට අයත්” දේශයක් ලෙසයි.

Facebook Comments

wedding people