සාම්පුර් කූණිතිවු සූඩෙයිකුඩා ගම්මානයේ පිහිටි කුනිත්තීවූ මද්දලමලෙයි තිරුක්කුමරන් හින්දු කෝවිලේ පුජාවට පැමිණ සිටි බැතිමතුන් හට නැගෙනහිර ආණ්ඩුකාරවරයාගේ බිරිඳ විසින් තර්ජනය කර තිබේ.
මහින්ද රාජපක්ෂ පාලන සමයේ විදේශ ඇමැතිව සිටි වත්මන් නැගෙනහිර ආණ්ඩුකාර රෝහිත බෝගොල්ලාගමගේ බිරිඳ දීප්ති බෝගොල්ලාගම 22 සිකුරාදා මෙසේ කෝවිල පැමිණ සිටි පිරිසට පොලිසිය බලා සිටියදීම බැණ වැදුන බවයි එම කෝවිලේ පාලන සභාව පවසන්නේ.
ආණ්ඩුකාරවරයාගේ බිරිඳ විසින් පුජා භාණ්ඩ වලට පහර දෙමින් පැමිණි පිරිසට “මේක බෞද්ධ විහාරයක් තමුසෙලා ඔක්කොමලාට දෙනවා වැඩේ” යනුවෙන් පවසා පරුෂ වචනයෙන් බැන වැඳුන බවට එහි සිටි බැතිමතුන් චෝදනා කරති.
https://www.youtube.com/watch?v=gUPHTvITGuY&feature=youtu.be
පසුගිය දෙසැම්බර් 18 වැනි දා බෞද්ධ භික්ෂුන් 2 ක් කෝවිල වෙත පැමිණ ඇති අතර ඔවුන් එම ස්ථානයෙන් ගිය පසු එදිනම පැමිණි මුතූර් පොලිසිය කෝවිල් අසල සිදු කෙරෙන ඉදිකිරිම් නවතාලීමට අධිකරණ නියෝගයක් ගෙන ඇත.
එම සිද්ධිය නිරාකරණයට දෙසැම්බර් 22 වනදා දිස්ත්‍රික් ලේකම්වරයා, ත්‍රිකුණාමලය බාර නියෝජ්‍ය පොලිස්පතිවරයා සහ නැගෙනහිර ආණ්ඩුකාරවරයා පැමිණ ඇති අතර ඔවුන් සමඟ පැමිණි ආණ්ඩුකාර බිරිඳ මෙසේ පිරිසට බැණ වැදී තර්ජනය කර තිබේ.
කෙසේ වෙතත් පොලිසිය මැදිහත්ව තත්ත්වය පාලනය කර ඇති අතර කෝවිල පිහිටි භූමිය පුරාවිද්‍යා සහිත ප්‍රදේශයක්ද යන්න සොයා බලා ඉදිරි ක්‍රීයා මාර්ග ගන්නා බවට ආණ්ඩුකාර රෝහිත බෝගොල්ලාගම කෝවිල් පරිපාලනයට දැනුම් දී ඇත.
තමන් මෙම කෝවිලේ වසර 38 කාලයක් පුරා පුජා පවත්වන බව කෝවිල් පාලන සභවේ භාණ්ඩාගාරික චන්ද්‍රමෝහන් පවසන අතර යුද්ධය අවසන් වීමෙන් පසු පසුගිය වසර 4ක කාලය තුල හින්දු ආගමික කටයුතු අමාත්‍යංශයේ ලියාපදිංචි කෝවිලක් ලෙස එය පවත්වාගෙන යන බව ඔහු වැඩි දුරටත් කියා සිටියේය.
Facebook Comments
