නීතියේ ස්වාධීනත්වයක් අපේක්ෂා කරන්නේ නම් 19 වෙනි ආණ්ඩුක්‍රම ව්‍යවස්ථා සංශෝධනය ආරක්ෂාකර ගතයුතු බව ජනතා විමුක්ති පෙරමුණේ නායකයා අවධාරණය කර තිබේ.
19 වන සංශෝධනය හරහා විනිසුරන් පත් කිරීමට හා නීතිපති පත් කිරීමට අගමැති සහ ජනපතිට තිබු බලය අහිමි වී ගිය බවයි අනුර කුමාර දිසානායක පෙන්වා දෙන්නේ.
“19 වෙනි ව්‍යවස්ථාවට අනුව ජනපති හා අගමැති දෙන්නටම බාධා වෙන දෙයක් තියෙනවා. 19 වෙනි ව්‍යවස්ථාවට අනුව මහාධිකරණයේ සිට ශ්‍රේෂ්ඨාධිකරණය දක්වා විනිසුරුවන් පත්කරන්නේ ව්‍යවස්ථාදායක සභාව. ඒක දෙන්නටම කරදරයක්. කට්ටිය හිතන්නේ ජනාධිපතිට වැඩ කරන්න දෙන්නේ නෑ ඒ නිසා මහින්දගෙන් බලය ගන්න හදනවා කියලා. වැදගත් ව්‍යවස්ථා ප්‍රතිසංස්කරණ නතර කරන්න හදන්නේ. ඉස්සර නීතිපති පත් කළේ ජනාධිපති. එතකොට එතන බැඳීමක් තියෙනවා.”
ව්‍යවස්ථාදායක සභාවේ බලය නිසා ජනපතිට නීතිපති ඉවත් කිරීමට ජනපතිට නොහැකි බව පවසන ජවිපෙ නායකයා එය කළ හැක්කේ පාර්ලිමේන්තු යෝජනාවකින් පමණක් බව කියා සිටී.
දහ නව වන ව්‍යවස්වස්ථා සංශෝධනය අහෝසි කරමින් ප්‍රජාතන්ත්‍රවාදය විනාශ කිරීමට වත්මන් රජය කටයුතු කරමින් සිටින බවට අනතුරු ඇඟවු ජවිපෙ අනුර කුමාර දිසානායක ස්වාධීන අධිකරණ පද්ධතියක් අවශ්‍ය නම් 19වන සංශෝධනය අත්‍යවශ්‍ය බව කියා සිටියේය.
Facebook Comments
