සිරගත කර සිටින ආගමික පුජකවරුන් අතුරින් වැඩිම පිරිස බෞද්ධ භික්ෂුන් වහන්සේලා බව පාර්ලිමේන්තුව හමුවේ අනාවරණය වී තිබේ.
මේ වසරේ ජුනි 1 වැනිදා වන විට ස්වාමීන් වහන්සේලා 29 දෙනකු සිරකරුවන් වශයෙන්ද 19 දෙනකු සැකකරුවන් ලෙසද බන්ධනාගාර ගතව සිටින අතර අධිකරණ හා බන්ධනාගාර කටයුතු රාජ්‍ය අමාත්‍ය වරයා විසින් හෙළි කරන ලද පරිදි ඔවුන්ට වැඩිම චෝදනා එල්ල වී ඇත්තේ ලිංගික අපරාධ සම්බන්ධයෙනි.
ළමා ලිංගික අපචාර, ස්ත්‍රී දුෂණ, මිනීමැරුම්, මුදල් වංචා, නිදන් හැරීම, බරපතල ලිංගික අපයෝජනය, බාල වයස්කාර දැරිවන් දුෂණය කිරීම යන චෝදනා ඔවුන් වෙත එල්ල වී තිබේ.
අධිකරණ හා බන්ධනාගාර කටයුතු රාජ්‍ය අමාත්‍ය අනුරාධ ජයරත්න බෞද්ධ ජනයාගේ හද කම්පා කරවන සුළු එම තොරතුරු අගෝස්තු 8 වැනිදා පාර්ලිමේන්තුවේදී හෙළි කර තිබුනේ ඩලස් අලහප්පෙරුම මන්ත්‍රීවරයාගේ ප්‍රශ්නවලට පිළිතුරු සපයමිනි.
අධිකරණ හා බන්ධනාගාර කටයුතු රාජ්‍ය අමාත්‍ය වරයා පාර්ලිමේන්තුව හමුවේ අනාවරණය කළ තොරතුරු අනුව ඉහත චෝදනා යටතේ බන්ධනාගාරගත කර සිටින හින්දු, කතෝලික සහ ඉස්ලාමීය පුජකවරුන් ගණන අල්පයකි.
Facebook Comments
