සුලු ජන අයිතිය කප්පාදු කොට ගෝඨාභය “ෆැසිස්ට් රාජ්‍යයක් කරා” (VIDEO)

0
995
Ivory Agency Sri Lanka
wedding people
Loading...

ජනාධිපති ගෝඨාභය රාජපක්ෂගේ නායකත්වයෙන් යුත් රජයට සුළු ජන අයිතීන් කප්පාදු කර ඒකාධිපති බලයක් ලබා ගනිමින් ෆැසිස්ට් රාජ්‍යයක් ගොඩ නැඟීමට වෙර දරමින් සිටින බවට වාමාංශික නායකයෙක් අනතුරු අඟවා තිබේ.

සුලු ජන අයිතීන් හා ප්‍රජාතන්ත්‍රවාදය වෙනුවෙන් සටන් වඳින නව සම සමාජපක්ෂ නායක ආචාර්ය වික්‍රමබාහු කරුණාරත්න පෙන්වා දෙන්නේ ජනාධිපතිවරයා විධායක බලතල කප්පදු කල 19 වන ව්‍යවස්ථා සංශෝදනය හා ජාතික ගැටලුවට විසඳුමක් සුළු ජාතීන්ගේ අයිතීන් වෙනුවෙන් ගෙන එන ලද 13 වන ව්‍යවස්ථා සංශෝධනය යටපත් කර දැමීමට වත්මන් රජය උත්සාහ දරන බවයි.

“අපි දන්නවා 19 වන ව්‍යවස්ථා සංශෝධනය අහෝසි කලොත් ඒකාධිපති බලය ලබා ගන්නට ඔවුන්ට හැකියාවක් තියෙනවා. ඒ වගේම 13 වන ව්‍යවස්ථා සංශෝධනය අයින් කලොත් මේ රටේ ස්ව පාලනය සඳහා තියෙන අයිතිය නැති වෙනවා. විශේෂයෙන්ම ඉඩම් හා පොලිස් බලතල පිලිබඳ ප්‍රශ්නය ඉවත් වෙනවා. ඒ වගේම සුළුතර ජනතා කොටස් වලට තියෙන අයිතිවාසිකම් විශාල වශයෙන් කප්පාදු වෙලා යනවා.”

එවැනි දෙයක් සිදු වුවහොත් එය එක්සත් ජාතීන්ගේ සංවිධානය හෙළා දකින ක්‍රියාවක් බවට පත්වනු ඇතැයි විශ්වාසය පළ කළ ආචාර්ය වික්‍රමබාහු කරුණාරත්න මෙම දරුණු ප්‍රතිගාමී ක්‍රියාව වැළැක්වීමට ප්‍රජාතන්ත්‍රවාදය ජය ගැනීමට ඉදිරි මැතිවරණයේදී ජන්දය භාවිතා කරන ලෙස ජනතාවගෙන් වැඩි දුරටත් ඉල්ලා සිටියේය.

ගෝඨාභය රාජපක්ෂගේ නායකත්වයෙන් බිහි වු නව රජය “විවේචකයන් සහ මානව හිමිකම් ආරක්ෂා කරන්නන් ඉලක්ක කර ගනිමින් මර්දනකාරී ක්‍රියාවලියක් දියත් කරමින් සිටී” යැයි ශ්‍රී ලංකාවේ සත්‍යය හා යුක්තිය සඳහා වන ජාත්‍යන්තර ව්‍යාපෘතිය (ITJP) හා ශ්‍රී ලංකාවේ ප්‍රජාතන්ත්‍රවාදය සඳහා මාධ්‍යවේදීන් (JDS) විසින් හවුලේ නිකුත් කරන ලද වාර්තාවක සඳහන් වේ.

පීඩාවට පත්වුවන්ගේ ආරක්ෂව පතා නම් හෙළි නොකරන ලද වාර්තාවේ සිද්ධින් 69ක් අඩංගු කර ඇති අතර ඇතැම් අවස්ථා වල එම තර්ජන වල බරපතල කම හේතුවෙන් පුද්ගලයින් රටින් පලා ගොස් ඇත බව ද ITJP සහ JDS හවුල් වාර්තාවේ සඳහන් කර ඇත.

ජනාධිපති ගෝඨාභය රාජපක්ෂ සිය පැරණි හමුදා රෙජිමේන්තු සාමාජිකයින් ගණනාවක් බලධාරින් ලෙස පත් කිරීම “අඩුබඩු විහිදවීමක්” ලෙස හඳුන්වන එම සංවිධාන පොලිස් සහ බුද්ධි ක්‍රියාකාරකම් වැඩි වැඩියෙන් හමුදාකරණය කොට ඇති ආකාරයද සිය වාර්තාවේ චිත්‍රණය කොට තිබේ.

Facebook Comments

Loading...