සිසුන් සමඟ බස් රථය ගිනි තැබු රියදුරු අල්ලයි

0
225
wedding people
Loading...

සිසුන් 51 දෙනෙකු සමග බස් රථයක් පැහැරගෙන ගොස් ගිණි තැබු ඉතාලි බස් රථ රියදුරෙකු අත්අඩංගුවට ගෙන තිබේ.

පාසලක පංති දෙකක සිසුන් පිරිසක් රැගත් බස් රථය වෙනත් මාර්ගයක් ඔස්සේ ගමන් කර ඇති අතර පසුව රියදුරු තියුණු ආයුධයක් පෙන්වා සිසුන් බිය ගන්වා ඇති බව ව්දෙස් මාධ්‍ය වාර්තා කරයි.

බස් රථයේ සිටි සිසුවෙකු දුරකථන පණිවුඩයක් ලබාදීමෙන් පසු පොලීසිය රථය ලුහුබැඳ ඇති අතර වේගයෙන් ගමන් කළ බස් රථය අනතුරට ලක්ව ඇති අතර පසුව රියදුරු විසින් බසයට ගිනි තබා ඇත.

ගින්නට පෙර බස් රථයේ වීදූරු කඩා ළමුන් පිටතට ගැනීමට ඉතාලි පොලීසිය සමත් වී තිබේ.

ගිනි තැබීම හේතුවෙන් ඇති වූ ශ්වසන ආබාධ නිසා පාසල් සිසුන් 14 දෙනෙකු පමණ රෝහල් ගත කිරීමටත් බලධාරීන් පියවර ගෙන ඇත.

සෙනගාල් රාජ්‍යයේ සිට සංක්‍රමණය වූ 47 හැවිරිදි ඉතාලි පුරවැසියෙකු ද වන රියදුරා ඉතාලියේ සංක්‍රමණ නීතිවලට විරෝධය පළ කිරීම සදහා මෙම ගිනි තැබීම සිදුකළ බවට ප්‍රකාශ කර ඇති බවයි වාර්තා වන්නේ.

Facebook Comments

Loading...