දෙමළ ස්වයං නීර්ණය වෙනුවෙන් පෙනී සිටි අය රජයේ ගොදුරක් වුණා

0

දෙමළ ජනයාගේ ස්වයං නීර්ණ අයිතිය වෙනුවෙන් පෙනී සිටි සියලු දෙනා ශ්‍රී ලංකා රජයේ ගොදුරක් වු බවට දෙමළ ජාතික ජනතා පෙරමුණේ නායකයා චෝදනා කර තිබේ.

ශ්‍රී ලංකා රජය දෙමළ ජනතාව ඉලක්ක කර ගනිමින් ගෙන ගිය ප්‍රචණ්ඩත්වයම එම ජනතාවට අවි එසවීමට හේතු වූ බව ගජේන්ද්‍රකුමාර් පොන්නම්බලම් ජිනීවාහි පැවැත්වෙන එක්සත් ජාතීන්ගේ මානව හිමිකම් සැසිවාරයට සමගාමීව මානව හිමිකම් කවුන්සිල පරිශ්‍රයේ පැවති උප කමිටු රැස්වීම්කට එක්වෙමින් පවසා ඇත.

“ශ්‍රී ලංකා රජයේ දෙමළ ජන සංහාරයට ලක්වෙලා තවමත් දෙමළ ජනතාව ජාතියක් විදිහට තම ස්වයං අයිතිය වෙනුවෙන් අරගල කරමින් සිටිනවා.එල්.ටී.ටී.ඊ සංවිධානය පමණක් නොව දෙමළ ජනතාවගේ ස්වයං අයිතිය වෙනුවෙන් අරගල කළ ඊට සහාය වූ තනි පුද්ගලයින් පවා ශ්‍රීලංකා රජයේ ඉලක්ක බවට පත් වුනා.ඔවුන් අතින් බොහෝ සංවිධාන,පුද්ගලයින් මෙන්ම වෘත්තිය ජනමාධ්‍යවේදීන් පවා බොහෝ ලෙස හිංසාවට පීඩාවට පත්වුනා.”

එක් ජන කොට්ඨාසයකට තම ස්වයං අයිතිය විදීමට ඉල්ලීම වෙනුවෙන් කුමන හෝ නීතිමය පියවරකට යා හැකි බව වියට්නාම ප්‍රකාශනයෙන් පැහැදිලිව සඳහන් කර ඇති බවද හෙතෙම මෙහිදී පෙන්වා දී තිබේ.

යුද්ධය පැවති කාලයේ ඝාතනයට ලක්වූ මාධ්‍යවේදීන් 48 දෙනා අතරින් 41 දෙනෙකුම දමිළ ජනමාධ්‍යවේදීන් බව කී ගජේන්ද්‍රකුමාර් පොන්නම්බලම් අනෙක් මාධ්‍යවේදීන් 07දෙනාම දෙමළ ජනතාවට එරෙහිව රජය ගෙනගිය අරගලයේ රජයේ අසාධාරණකම් අයුක්තීන් හෙළිදරව් කලවුවන් බව ද පැවසීය.

දෙමළ ජනතාවගේ ස්වයං අයිතිය ස්වයං වෙනුවෙන් එක්සත් ජාතීන්ගේ සංවිධානය පෙනී සිටිය යුතු බව අවධාරණය කර ඇති දෙමළ ජාතික ජනතා පෙරමුණේ නායක ගජේන්ද්‍රකුමාර් පොන්නම්බලම් එසේ නොවුනහොත් ස්වයං නීර්ණ අයිතිය වෙනුවෙන් අරගල කරන දෙමළ ජනතාව තවදුරටත් ශ්‍රී ලංකා රජයේ ඉලක්ක බවට පත්වනු ඇතැයි අනතුරු අඟවා ඇත.

Facebook Comments