අගමැතිවරයා බැඳුම්කර කොමිසමේ සාක්ෂි විමසීමේ කටයුතු සඳහා ඉදිරියේ දී කැඳවීමට බලාපොරොත්තු වන බව මහ බැංකු බැඳුම්කර නිකුත් කිරීමේදී අක්‍රමිකතාවක් සිදුවී ඇතිදැයි විභාග කරන ජනාධිපති කොමිසම නිවේදනය කරයි.
කොමිසම හමුවේ අනාවරණය වී ඇති ඇතැම් කරුණු සම්බන්ධයෙන් විමසා අග්‍රාමාත්‍ය රනිල් වික්‍රමසිංහ වෙත ප්‍රශ්න මාලාවක් යොමු කර දිවුරුම් ප්‍රකාශයක් සමඟ ලබා ගැනීමට පියවර ගෙන ඇති බව ඔක්තෝම්බර් 17 කොමිසමේ සභාපතිවරයා දැනුම් දී තිබුණි.
අගමැති රනිල් වික්‍රමසිංහගේ සාක්කිය ඇතුලු වෙනත් සාක්ෂි තවදුරටත් විමසීම අවශ්‍ය වේ නම් ඔවුන් කැඳවීමට පියවර ගන්නා බව ද කොමිසමේ සභාපති කංකානි තන්ත්‍රි ච්ත්‍රසිරි මීට පෙර ප්‍රකාශ කළේය.
රනිල් වික්‍රමසිංහ අගමැතිවරයා කොමිසම හමුවට කැඳවන දිනය ඉදිරියේදී දැනුම් දෙන බව කොමිසම කියා සිටි.
හිටපු මහ බැංකු අධිපති අර්ජුන් මහේන්ද්‍රන් බැඳුම්කර නිකුතුව සම්බන්ධයෙන් ලබාදුන් උපදෙස් පිළිබඳව අගමැතිවරයාගෙන් විමසිය යුතු බවට දේශපාලන පක්ෂ විසින් උද්ඝෝෂණය කිරීමෙන් අනතුරුව නිවේදනයක් නිකුත් කළ අගමැතිවරයා කොමිසම හමුවේ පෙනී සිටීමට කැමැත්ත පල කර තිබුනි.
Facebook Comments
