උපන් දිනයදා ශ්‍රී ලංකා මිරර් වෙබි අඩවියට රාජිතගෙන් දෝස් මුරයක් (VIDEO)

0

ශ්‍රී ලංකා මිරර් වෙබි අඩිවිය මුදල් ලබා ගෙන පුවත් පල කරන බවට එම වෙබි අඩවියේ හත්වෙනි සංවත්සරයදා සම කැබිනට් මාධ්‍ය ප්‍රකාශවරයා චෝදනා කරයි.

රාජ්‍ය ඖෂධ නිතිගත සංස්ථාවේ කැලණිය ගබඩා සංකීරණයේ කල් ඉකුත් වු ඖෂධ වල ලේබල් වෙනස් කර පුද්ගලික ඔසුසල් වෙත ලබා දෙන බවට ලැබී තිබු පැමිණිල්ලකට අනුව රහස් පොලිසිය එම ගබඩාව වටලා ඇති බවට පල වු මාධ්‍ය වර්තා සම්බන්ධයෙන් 01 බදාදා පැවති කැබිනට් මාධ්‍ය හමුවේදී මාධ්‍යවේදියෙකු නැගු පැනයට පිළිතුරු දෙමින් සෞඛ්‍ය ඇමැති රාජිත සේනාරත්න මේ බව කියා සිටියේය.

“බොහොම හොඳයි ඒක අහපු එක අමුලික බොරුවක් මේක ඉස්සෙල්ලාම පටන් ගත්තේ ශ්‍රී ලංකා මිරර් කියන එක” යි කී ඇමැතිවරයා එම වෙබි අඩවිය දුම්කොළ සමාගමෙන් මුදල් ලබා ගෙන පුවත් පල කර ඇති බවට චෝදනා කල අතර “මම වෙබි අඩවි කරන පුද්ගලයට කතා කරා මම විහිලුවට වගේ ඇහුවා දුම්කොල සමාගමෙන් කොච්චර ගෙවනවද කියලා” යැයි කියා සිටියේය.

තමන් මේ පිළිබඳව සොයා බැලීමේදී වෙළඳ දැන්විම් ආයතනයක් හරහා මුදල් ලබා දෙමින් මෙම පුවත පල කර ඇති බවට සහ තමන් දන්නා වෙබි අඩවියක් හා පුවත්පතක් ඔවුන් එම පුවත පල කිරිම ප්‍රතික්ෂේප කල බව ඇමැති රාජිත සේනාරත්න ප්‍රකාශ කළේය.

“දැන් මේගොල්ලො මාත් එක්ක තරහයි මේගොල්ලො කියල තිබුණා මට විරුද්ධව දිගට හරහට ගහනවා කියලා මේ තියෙන්නෙ ගහන්න” යි කියමින් ඇමැතිවරයා ඖෂධ ගබඩා සංකීරණය සම්බන්ධව එල්ල වන චෝදනා ප්‍රතික්ෂේප කරන ලදී.

වැඩිය ගණන් ගන්නෙ නැහැ

අමාත්‍ය රාජිත සේනරත්න විසින් ශ්‍රී ලංකා මිරර් වෙබි අඩිවයට එල්ල කරන චෝදනා හිස් චෝදනා බව කී එම වෙබි අඩවියේ කතුවරයා ඇමැතිවරයා චෝදනා කරනවා සේම ඒවා ඔප්පු කර පෙන්විය යුතු බව සිලෝන් ජර්නල් හා කිය සිටියේය.

“රාජිත ඇමැතිතුමා කියන ඒවා අපි නම් ගණන් ගන්නෙ නැහැ රාජිත ඇමැතිතුමා කියපු එකක් හරි ඔප්පු වෙලා තියෙවනම් යම් පදනමක් සාක්ෂියක් ඇතුව ඉදිරිපත් කරනවා කියන්න පුලුවන් පහුගිය කාලේ කරපු හැම චෝදනාවක්ම ගඟට කැපුව ඉණි වගේ එහෙම්ම පා වෙලා ගියා” යැයි කතෘ කැළුම් ශිවන්ත ප්‍රකාශ කළේය.

ශ්‍රී ලංකා මිරර් වෙබි අඩවියේ හිමිකරුවෙකු වන රුවන් ෆර්ඩිනෑන්ඩස් ” සිංහලේ ” ජාතිවාදී මතය නිර්මාණය කල බවට සෞඛ්‍ය ඇමැති රාජිත සේනාරත්න මීට පෙර චෝදනා කර තිබුණි.

Facebook Comments