පැරදුන ඡන්දයෙන් පසු හවුල් ආණ්ඩුවේ පළමු කැබිනට් හමුව

0

පළාත් පාලන මැතිවරණයේ පරාජයෙන් පසුව හවුල් ආණ්ඩුව දිගටම පවත්වාගෙන යන එකඟතවය මත පවත්වනු ලබන සම්මුතිවාදි රජයේ පළමු කැබිනට් හමුව 14 බදාදා පැවැත්වෙන බව රජය පවසයි.

මෙම හමුවේදී උද්ගතව ඇති දේශපාලනික අර්බුදය හමුවේ රට ඉදිරියට පවත්වාගෙන යා යුත්තේ කෙසේද යන්න තිරණය කිරිමට කමිටුවක් පත්කිරීමට නියමිත බව 13 අඟහරුවාදා ජනාධිපති මෛත්‍රිපාල සිරිසේන සමග පැවති සාකච්ඡාවකින් අනතුරුව එක්සත් ජාතික පක්ෂයේ මැති ඇමතිවරු ජනාධිපති නිල නිවාස ඉදිරිපිට සිටි මාධ්‍යවේදීන්ට කියා සිටියේය.

යහපාලන රජයේ අනාගතය තීරණය කරන කමිටුවට එක්සත් ජාතික පෙරමුණ නියෝජනය කරමින් කබීර් හෂිම්,මලික් සමරවික්‍රම,රාජිත සේනාරත්න, මංගල සමරවීර, ලක්ෂ්මන් කිරිඇල්ල යන ඇමැතිවරුන්ද එක්සත් ජනතා නිදහස් සන්ධනය වෙනුවෙන් එස්.බී. දිසානායක,සුුසිල් ප්‍රේමජයන්ත,අන්ර ප්‍රියදර්ශන යාපා සහ ෆයිසර් මුස්තාපා ඇමැතිවරු ද පත් කිරීමට නියමිත බවයි සිලෝන් ජර්නල්ස් වෙත වාර්තා වන්නේ.

තවද මෙම කමිටුව විසින් යහපාලන රජය ඉදිරියට ගෙන යාමට ගත යුතු ක්‍රියාමාර්ග දින තුනක් ඇතුලත වාර්තා කරනු ඇත.

ජනාධිපති මෛත්‍රීපාල සිරිසේන හමුවීමට අගමැතිවරයා කැටුව එක්සත් ජාතික පක්ෂ ඇමැතිවරුන් ගොස් ඇත්තේ එජාප තනි ආණ්ඩුවක් නිර්මාණය කිරීමට වන යෝජනාව ද සමඟ බව මාධ්‍ය වාර්තා කර තිබුණි.

ඇමරිකානු තානාපතිවරයා සහ ඉන්දීය තනාපතිවරයා ජනපති හා අගමැතිවරයාව වෙන් වෙන් වශයෙන් හමුවී යහපාලන රජයේ අනාගතය පිළිබඳව සාකච්ඡා කර තිබුණේ මෛ හමුවීමට පෙර බව සිලෝන් ජර්නල්ස් මීට ඉහත වාර්තා කළේය.

Facebook Comments

wedding people