යහපාලන පොරොන්දු මතක් කරන්න ප්‍රබල තානාපතිවරු ජනපති අගමැති හමුවෙති

0

යහපාලන ආණ්ඩුව තවදුරටත් පවතින්නේද නැද්ද යන්න සම්බන්ධව තීරණාත්මක මත පල වෙමින් ඇති අවස්ථාවක බලවත් රටවල තානාපතිවරුන් දෙදෙනකු යහපාලන රජයේ නායකයන් දෙදෙනා හමුවී තිබේ.

ඇමරිකානු තානාපතිවරයා සහ ඉන්දීය මහ කොමසාරිස්වරයා මෙසේ 13 අඟහරුවාදා ජනපති සහ අගමැති හමුවී ඇත.

මෙම හමුවලදී යහපාලන රජය බලයට පත්වීමේදී මෙරට ජනතාවට සහ ජාත්‍යන්තරයට දුන් පොරොන්දු සිහිපත් කර දී ඇති එම තනාපතිවරු ඒවා ක්‍රියාත්මක කිරීමේ වගකීම සමගි රජයේ ප්‍රධාන පක්ෂ දෙකේ නායකයන්ට අවධාරණය කර ඇති බව නම සඳහන් නොකරන ලෙස ඉල්ලා සිටි ඇමරිකානු තානාපති කාර්යාල ප්‍රකාශයකු සිලෝන් ජර්න්ල්ස් වෙත පැවසීය.

වීශේෂයෙන්ම සංහිඳියාව හා නව ව්‍යවස්ථාවක් සඳහා ලබා දුන් පොරොන්දු කඩිනමින් ක්‍රීයාත්මක කරන ලෙසත්, එළඹෙන මාර්තුවේදී ජිනිවා මානව හිමිකම් කොමිසමට ශ්‍රී ලංකාව විසින් අත්කර ගත් ප්‍රගතිය සම්බන්ධව වාර්තා කළ යුතු බවද ඇමරිකානු තානාපතිවරයා යහපාලකයන් හට සිහිපත් කර දී තිබේ.

යහපාලනය රජය ස්ථාවර කරගනිමින් දුන් පොරොන්දු ඉටු කරන ලෙසට ඉල්ලා ඇති තානාපතිවරු එසේ නොවන්නේ නම් නැවත ජාතිවාදීන් බලයට පැමිණෙනු ඇති බව‍ට අනතුරු ඇඟවු බවයි තානාපති ප්‍රකාශකයා වැඩි දුරටත් කියා සිටියේ.

Facebook Comments

wedding people