දෙමළ ජනවරම පවා ඉක්මවා යමින් නොබෙදෙන රටක් වෙනුවෙන් පෙනී සිටිනවා – සුමන්දිරන්

0

ශ්‍රී ලංකාවේ ජාතික ප්‍රශ්නය විසඳීම සඳහා එක්සත්, නොබෙදුනු රටක බලය බෙදා ගැනීම සඳහා දෙමළ ජනතාව තමන්ට දුන් වරම පවා ඉක්මවා යමින් දෙමළ ජාතික සන්ධානය ඉදිරි කාලයේදී නොබෙදෙන රටක් වෙනුවෙන් පෙනී සිටීම වෙනුවෙන් තවත් පියවරක් පෙරට ගොස් ඇති බව සුමන්දිරන් මන්ත්‍රීවරයා කියා සිටියි.

තමන් ලත් ඡන්ද වරමට එහා සම්මුතියකට යමින් සිටින බවට දෙමළ ජනතාව දොස් පවරද්දීත් සම්පාදනය කෙරෙන අලුත් ව්‍යවස්ථාව සඳහා එක්වන ලෙස දෙමළ ජාතික සන්ධාන මන්ත්‍රී එම් ඒ සුමන්දිරන් 31 අඟහරුවාදා නව ව්‍යවස්ථාව පිළිබඳ පාර්ලිමේන්තු විවාදයට එක්වෙමින් ඉල්ලා සිටියේය.

තමන්ද එකඟවූ යෝජනා ඇතුලත් අතුරු කමිටු වාර්තාව දෙස දෙමළ ඡන්ද දායකයා බලන්නේ සැකමුසුව යැයි කියා සිටි මන්ත්‍රීවරයා පෙඩරල් පන්නයේ රාජ්‍ය ව්‍යුහය මෙන්ම උතුරු නැගෙනහිර එකාබද්ධය ද නව ව්‍යවස්ථා සම්පාදන ක්‍රියාවලියේදී අත්හරින ලද බව පෙන්වා දුන්නේය.

“රාජ්‍යය පෙඩරල් වියයුතු බව අපි ඔබට කිව්වා කියා අපේ ජනතාව පවසනවා,” යි එම් ඒ සුමන්දිරන් කියා සිටියේය. “බලය විමධ්‍යගත කළ එක ඒකකයක් තිබිය යුතු යයි කිව් බව ඔවුන් කියනවා. රාජ්‍යය අනාගමික විය යුතු යයි ඉල්ලා සිටීම සාධාරණ නැද්ද? අපි දුන් වරම ඉක්මවා යමින් ඔබ සම්මුතියට යනවා, යි ඔවුන් පවසනවා. ඔවුන් හරි.”

පක්ෂ විපක්ෂ මතය

ඉකුත් ජනාධිපතිවරණයේදී මහින්ද රාජපක්ෂ පවා ඡන්දය ඉල්ලූවේ නව ව්‍යවස්ථාවක් ගැන කියමින් බව කී මන්ත්‍රීවරයා හිටපු ජනාධිපතිවරයාගේ මැතිවරණ ප්‍රකාශය සභාව හමුවේ තබමින් ඒ බව සිහිකර දුනි.

ප්‍රධාන ජනාධිපති අපේක්ෂකයන් දෙදෙනාටම ඡන්දය දුන් සියලුදෙනාම පාහේ නව ව්‍යවස්ථාවක් හඳුන්වාදීම වෙනුවෙන් පෙර නොවූ විරූ බහුතර අනුමැතියක් ලබාදුන් බවට තර්ක කළ එම් ඒ සුමන්දිරන් මන්ත්‍රීවරයා “රටට අලුත් ව්‍යවස්ථාවක් ගෙන එන්නට කියා ජනතාවගෙන් සියයට 97ක් තමන්ගේ නියෝජිතයන්ට කියා ඇත්තේ කොයි රටේ දැ,” යි පාර්ලිමේන්තුවෙන් විමසා සිටියේය.

Facebook Comments

wedding people