යහපාලන රජය නියෝජනය කරන ප්‍රධානතම පක්ෂයක් වන හෙල උරුමය පක්ෂය නැවතත් ජාතීවාදය පහුරු ගා බලමින් සිටින බව පෙනෙන්නට ඇත.
තමන් නොදුටු ලේඛනයක් වෙනුවෙන් හෙල උරුමයේ ජාතික සංවිධායක නිශාන්ත ශ්‍රී වර්ණසිංහ විසින් මානව හිමිකම් කොමිසමට පැමිණිලි කරන්නට යාමෙන් මේ බව පැහැදිලි වේ.
උතුරු පළාත් සභාව මඟින් බෞද්ධ සිද්ධස්ථාන ඉදිකරන්නට නොදීමට සම්මත කර ගත්තැයි කියනු ලබන යොජනාවක් මඟින් ආගමික නිදහස උල්ලංඝනය වන බවටයි මෙම පැමිණිල්ල කර ඇත්තේ.
සම්මත කර ගත්තා යැයි කියනු ලබන යෝජනාවේ සිංහල පිටපත් ඉල්ලා සිටියද පරිවර්තන පහසුකම් නොමැති බව කියමින් එය පමා කළ බවට නිශාන්ත ශ්‍රී වර්ණසිංහ උතුරු පළාත් සභාවට චෝදනා කළේය.
ඒ අනුව පසුගිය 8 වනදා මානව හිමිකම් කොමිසම හට පැමිණිලි ඇත්තේ ඔහු මෙතෙක් දැක නොමැති හරියාකාරව අවබෝධ කර නොගත් ලියවිල්ලකට යන්නයි පැහැදිලි වන්නේ.
රාජ්‍ය ලියවිලි සිංහල හා දෙමළ භාෂා ද්විත්වයෙන්ම ලබා දිය යුතු බවටද හෙල උරුමයේ ජාතික සංවිධායක මෙහිදී යෝජනා කළේය.
යාපනයේ සරසවි සිසුන් ඝාතනය සම්බන්ධව ස්වාධීන පරීක්ෂණයක් කරන ලෙස ඉල්ලා යාපනය සරසවි සිසුන් කරන ලද ලිඛිත ඉල්ලීමකට උතුරේ ආණ්ඩුකාරවරයා පිළිතුරු යවන ලද්දේ සිංහල භාෂාවෙනි.
ජාතික හෙළ උරුමය පැමිණිලි කලාට පසුදින ආණ්ඩුකාර රෙජිනෝල්ඩ් කුරේ පවසා තිබුනේ කොළඹ කෝවිල් හදන්න පුලුවන්නම්, උතුරේ පන්සල් හදන්න බැරි ඇයිදැයි කියාය.
අනවසරයෙන් බුදු පිළිම ඉදි කිරීම
උතුරු පළාත් සභාව විසින් විරුද්ධ වුයේ උතුරේ බෞද්ධයන් නොමැති ප්‍රදේශ වල කිසිදු අවසරයකින් තොරව ඉදි කරනු ලබන බුදු පිලිම සඳහා පමණක් බවයි උතුරු පළාත් ප්‍රධාන අමාත්‍ය සී.වී. විග්නේෂ්වරන් පෙන්වා දෙන්නේ.
නීතිමය අවසර ලබා කරනු ලබන ඕනෑම අාගමික ඉදි කිරීමටකට පළාත් සභාව විරුද්ධ නොවන බවත් තමන් විරුද්ධ අනවසර ඉදී කිරිම් වලට පමණක් බවයි මහ ඇමතිවරයා නිවේදනයක් නිකුත් කරමින් අවධාරණය කර ඇත්තේ.
Facebook Comments
