ජාතික සංහිඳියාව නිරාකරණය කිරීමට උතුරේ කුලවාදය ගැටලුවක් වී ඇති බව ජනාධිපතිවරයා ප්‍රකාශ කර තිබේ.
සිංහල, දෙමළ, මුස්ලිම් ජනතාව අතර ජාතික සමඟිය සහ සංහිඳියාව ගොඩනැඟීමට වඩා උතුරේ කුලවදය නිසා මිනිසුන් එකතු කිරීමට නොහැකි වීම ප්‍රබල ප්‍රශ්නයක් වී ඇති බව ජනපති ප්‍රකාශ කර ඇත.
“උතුරේ සංහිඳියාව ගොඩනඟන්න ගියාම සංහිඳියාව නැතිම තැන උතුරේ ජනතාව අතර සංහිඳියාවක් නැති එක.” යැයි ජනපති මෛත්‍රීපාල සිරිසේන 19 අඟහරුවාද ශ්‍රී ජයවර්ධනපුර විශ්වවිද්‍යාලයේ සමාජවිද්‍යා හා අපරාධ විද්‍යා ඩිප්ලෝමා ප්‍රදානෝත්සවයට එක්වෙමින් පැවසීය.
හමුදාව විසින් වඩිලා සිටින උතුරේ ජනතාවගේ ඉඩම් නිදහස් කිරීමට අසමත් වී ඇතැයි එක්සත් ජාතීන්ගේ මානව හිමිකම් කොමසාරිස්වරිය කර ඇති ප්‍රකාශය දෝෂ දර්ශණයට ලක් කල ජනාධිපතිවරයා “අපි 90% ඉඩම් නිදහස් කරලා තියෙනවා හරියටම 90% ක්.” යැයි තහවුරු කළේය.
නිවාඩුවක් ගත කිරීම සඳහා මේ දිනවල ශ්‍රී ලංකාවට පැමිණ සිටින එක්සත් ජාතීන්ගේ හිටපු නියෝජ්‍ය මහලේකම්වරයෙකු හමුවු අවස්ථාවේ මෙම කරුණු කියා සිටි බව ද ජනාධිපතිවරයා සඳහන් කළේය.
හමුදාව විසින් නිදහස් කරන ලද දෙමළ ජනයාගේ ඉඩම් නියම හිමිකරුවන්ට නොයන්නේ කුලවාදය නිසා බවයි ජනාධිපතිවරයා පෙන්වා දෙන්නේ.
“කුලවාදය තුල එක් එක් කුලවල අයට තමයි වටිනා ඉඩම් සහ වටිනාකමින් අඩු ඉඩම් කියලා වෙන් කරලා දෙන්න ඒ ප්‍රදේශ වල අය තීන්දු කරල තියෙන්නේ.” යි ජනපති මෛත්‍රීපාල සිරිසේන වැඩි දුරටත් පැවසීය.
Facebook Comments
