විපක්ෂ නායකයා සහ ඔහුට සම්බන්ධ මන්ත්‍රීවරු පිරිසක් විපක්ෂයේ කාර්ය භාරය අමතක කර රනිල් වික්‍රමසිංහ එක්සත් ජාතික පක්ෂ නායකත්වයෙන් පලවා හැරීමට එම තනතුරු හා ප්‍රතිපාදන භාවිතා කරන බවට ආණ්ඩු විරෝධී දේශපාලන ක්‍රියාධරයෙක් චෝදනා කර සිටී.
සජිත් ප්‍රේමදාස විසින් විපක්ෂ නායක තනතුරු සහ විපක්ෂ නායක කාර්යාලයට අයත් ප්‍රතිපාදන අවභාවිතා කරමින් සිටන බවටයි එක්සත් ජනතා පෙරමුණේ නායක සිරිමසිරි හපුආරච්චි පෙන්වා දෙන්නේ.
“ශ්‍රී ලංකාවේ මෙතෙක් කල් තිබුන විපක්ෂයට තිබුන විපක්ෂයට වඩා වෙනම තත්ත්වයක් තමයි සජිත් ප්‍රේමදාස විපක්ෂ නායක තුමාගේ කාර්යාලයේ සිද්ධ වෙන්නේ. මම එහෙම කියන්නේ ඒ විපක්ෂ නායක කාර්යාලයේ තියෙන ප්‍රතිපාදන හෝ වේවා ඒ ආයතනය උපයෝගි කරගෙන තියෙන්නේ තමාගේ පක්ෂයේ, එක්සත් ජාතික පක්ෂයේ පරිනත නායක රනිල් වික්‍රමසිංහ මහත්මයා පලවා හැරීම සඳහා එතෙන පෙරමුණු බැඳගෙන යනවා.”
පක්ෂ නායකත්වය ගරු නොකර ඔහු රැක ගැනීමට හැකියාවක් නොමැති නම් රට රැක ගන්නේ කෙසේ දැයි සිරිමසිරි හපුආරච්චි විපක්ෂ නායක සජිත් ප්‍රේමදාසගෙන් ප්‍රශ්න කර සිටියේ 23 බ්‍රහස්පතින්දා කොළඹ පැවති මාධ්‍ය හමුවකදී ය.
ආණ්ඩුව විසින් සිදු කරන ජනතා විරෝධී ක්‍රියාමාර්ග වලට එරෙහිව නැගී සිටිමටත් රජය විසින් සිදු කරන ලබන සාධනීය වැඩ කටයුතු වලට සහාය දීමත් ප්‍රජාතන්ත්‍රවාදී රටක විපක්ෂයේ කාර්ය බව සිහිපත් කර දුන් එක්සත් ජනතා පෙරමුණේ නායකයා ශ්‍රී ලංකාවේ වත්මන් විපක්ෂය ඒ සියල්ල අමතක කර ඇති බව ද වැඩි දුරටත් කියා සිටියේය.
Facebook Comments
