මාධ්‍යවේදීන්ට එරෙහි අපරාධ මාලාවක් පිළිබඳව තොරතුරු දෙවසරකට ආසන්න කාලයක් තිස්සේ තම සන්තකයේ තබා ගෙන ඒවා විභාග කොට චූදිතයන්ට එරෙහිව පියවර නොගෙන සිටින අගමැතිවරයා උදයන් පුවත්පතට එරෙහි ප්‍රහාර සම්බන්ධයෙන් උනන්දුවක් නොදක්වන බවට එක්සත් ජාතීන්ගේ මූලිකත්වයෙන් පැවති ජගත් සමුලුවකදී ජනමාධ්‍යවේදීන් දැඩි දෝෂ දර්ශනයට ලක් කළේය.
රාජපක්ෂ පාලන සමයේ ඝාතනයට හා අතුරුදහන් කිරීමට ලක්වූ මාධ්‍යවේදීන් ගේ ලැයිස්තුවක් 2015 දෙසැම්බරයේ ජාත්‍යන්තර මානව හිමිකම් දිනයේ දී මාධ්‍ය සංසදය විසින් අගමැති රනිල් වික්‍රමසිංහ අතට පත් කළ අතර අග්‍රාමාත්‍යවරයා එහිදි සදහන් කර තිබුනේ එම ලේඛනයේ මාධ්‍යවේදීන් 44 දෙනකුගේ නම් ඇතුලත්ව ඇති බවයි.
අගමැතිවරයාට භාර දෙන ලද ලැයිස්තුව සකස් කොට මුල් වතාවට ප්‍රසිද්ධියට පත් කර තිබුනේ ශ්‍රී ලංකාවේ ප්‍රජාතන්ත්‍රවාදය සඳහා මාධ්‍යවේදියෝ (JDS) විසිනි.
එම සිද්ධින් සම්බන්ධයෙන් පරීක්ෂණ පවත්වන ලෙස පොලිස්පතිවරයාට නියෝග කරන බව එදා කියා සිටියා අගමැති රනිල් වික්‍රමසිංහ 04 සඳුදා එක්සත් ජාතීන්ගේ ළමා හා අධ්‍යාපන අරමුදලේ (UNICEF) මෙහෙයවිමෙන් පැවති ජනමාධ්‍යවේදීන්ට එල්ල වන ප්‍රචණ්ඩත්වයට එරෙහි අන්තර්ජාතික සමුළුවේදී පැමිණිළි වලට එරෙහිව පියවර නොගැනීම ගැන හේතු නොදක්වන ලදී.
මාධ්‍ය උනන්දුව
මාධ්‍ය මර්දනයට එරෙහිව යුක්තිය ඉටුකරවා ගැනීම සම්බන්ධයෙන් මාධ්‍ය උනන්දුවක් නොදක්වන බවට අගමැතිවරයා කියා සිටියේ රාජ්‍ය මාධ්‍ය දෙකක සභාපතිවරුන් සහ පෞද්ගලික මාධ්‍යයක කර්තෘවරයකු පමණක් සමුළුවට සහභාගි වී සිටිතැයි ප්‍රකාශ කරමිනි.
“මේ කියන්නේ මාධ්‍ය නිදහස අවශ්‍ය නැති බව ද? රාජපක්ෂ රෙජිමය නැවතත් අවශ්‍ය බවද? ආණ්ඩුව නැති කර දමා හෝ නැවත රාජපක්ෂ රෙජිමය ගෙනැවිත් අප නැවතත් මාධ්‍යවේදීන් මරාදමන්නට ඉඩදෙමු කියන කාරණය ද?” යි අගමැතිවරයා කියා සිටියේය.
මාධ්‍යවේදීන් ආරක්ෂා කිරීමට යහපාලන රජය උනන්දු වන බව කී අගමැති රනිල් වික්‍රමසිංහ මාධ්‍ය එසේ උනන්දු දැයි ප්‍රශ්න කල අතර “එදත් ඔවුන් නිශ්ශබ්දව සිටියා. රාජපක්ෂ රෙජිමය සමග හවුල් වී බිස්නස් කළා.” යැයි ප්‍රකාශ කළේය.
Facebook Comments
