රට මේ වන විට තිරසර සංවර්ධනය වෙනුවෙන් කැපවී වැඩ කරන බව මෙන්ම එම ප්‍රතිපත්ති සකස් කිරීම සඳහා ”තිරසර සංවර්ධන සභාව” නැමැති කෙටුම්පත ගෙනා බවත් පාර්ලිමේන්තුවේදී සියලූම පක්‍ෂවලින් අදහස් හා සංශෝධන ලබා දුන් බව සහ එම පණත මැයි මාසයේ පාර්ලිමේන්තුවට නැවත ඉදිරිපත් කරන බව අගමැතිවරයා පවසනවා.
කොළඹ, බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේදී අද (04) දින පැවැති තිරසර ලංකා ජාතික මංගල්‍යයප්‍රදර්ශනය නැරඹිමෙන් අනතුරුව මාධ්‍ය වෙත අදහස් දැක්වූ අග්‍රාමාත්‍ය රනිල් වික්‍රමසිංහ මේ බව පැවසීය.
ව්‍යවසාය 2017” වැඩසටහන සඳහා තිරසර සංවර්ධන රාමුව තුළ සාර්ථකව වැඩකටයුතු සිදු කරන ව්‍යාපාරිකයින් රැසක් සහභාගී වී සිටිනවා බව දැක ගත හැකි වු බව පවසන අගමැතිවරයා මෙම වැඩසටහන කොළඹට පමණක් සීමා නොකර රටේ අනෙකුත් ප්‍රධාන නගරයන්හිදීත් පැවැත්විය යුතු බවටද යෝජනා කළේය.
වැඩ සටහන තවත් සාර්ථක කර ගැනීමට නම් තව තවත් ව්‍යාප්ත කළ යුතු බවත් මෙම ව්‍යාපාර තුළ මීට වඩා වැඩි තරගකාරීත්වයක් ඇති කරමින් ජාත්‍යන්තර වෙළඳපොළට ද පිවිසීමට හැකි අපනයන ආර්ථිකයක් ගොඩනැගිය යුතු බව මෙන්ම ඒ සඳහා ව්‍යාපාරිකයින්ට අවශ්‍ය ආධාර, උපකාර, ණය පහසුකම් ලබා දීමටත් අප සාකච්ඡා කරමින් සිටින බවද අගමැති රනිල් වික්‍රමසිංහ මෙහිදී පැවසීය.
තිරසර සංවර්ධනය අද ලෝකයේ බොහෝ දෙනෙක් පිළිගත් සංකල්පයක් බැව් පැවසු අගමැතිවරයා තිරසර සංවර්ධනය පිළිබඳව සියලූ දෙනා දැනුම්වත් කිරීමට හැකි වැඩසටහන් අවශ්‍යව වී තිබෙන බව පෙන්වා දුන් අතර ඊට අදාළ ප්‍රතිපත්ති සකස් කළ හැක්කේ එම දැනුම්වත් කිරීම්වලින් පසුව බවටයි විශ්වාසය පළ කර සිටියේ.
Facebook Comments
