ලංකාවේ වැඩිම දෙනෙක් “පෙරේරා”

0
519
Ivory Agency Sri Lanka
wedding people
Loading...

ලංකාවාසීන් අතරින් වැඩිම දෙනෙකු පාවිච්චි කරන වාසගම “පෙරේරා” බව ජාත්‍යන්තර සමීක්ෂණයකින් හෙළි වී තිබේ.

නෙට් ක්‍රෙඩිට් ආයතනය විසින් ලෝකයේ සෑම රටක්ම උපයෝගී කරගෙන කරන ලද සමීක්ෂණයකින් මේ බව අනාවරණය වී ඇත.

ලෝකයේ සෑම රටකම භාවිතා වන වාසගම් සිතියම් ගත කර ඇති එම ආයතනය එහි අර්ථය ද තම වාර්තාවේ ඇතුලත් කර තිබේ.

ඒ අනුව ලංකාවේ වැඩිම දෙනෙකුට ඇති වාසගම පෙරේරා වන අතර පෘතුගීසි වචනයකින් බිඳි එන එහි තේරුම “තල් ගස” යන්න බවයි නෙට් ක්‍රෙඩිට් සමීක්ෂණය සඳහන් කර ඇත්තේ.

ලෝකයේ ජනප්‍රියම වාසගම “ස්මිත්” යන නාමය බව ඇන්සෙස්ට්‍රි.කොම් සහ ඔක්ස්ෆර්ඩ් විශ්ව විද්‍යාලයෙන් ලබාගත් දත්ත වලින් පෙනී යන බවයි නෙට් ක්‍රෙඩිට් පෙන්වා දෙන්නේ.

ඕස්ට්‍රේලියාව, එක්සත් ජනපදය, එක්සත් රාජධානිය සහ කැනඩාව සහ නවසීලන්තය ඇතුළු රටවල් ස්මිත් යන වාසගම භාවිතා කරන බවද ඔවුන් වැඩි දුරටත් සිය සමීක්ෂණයෙන් අනාවරණය කර ගෙන ඇත.

පොදුවේ ගත් කළ වාසගම විවිධ කාණ්ඩ පහක් ඔස්සේ නිර්මාණය වී ඇති බවයි නෙට් ක්‍රෙඩිට් ආයතනය ලෝකයේ වාසගම් ආශ්‍රීතව පසුගිය වසරේ නොවැම්බර් මාසයේ එළි දැක්වු සමීක්ෂණ වාර්තාවේ සඳහන් කර ඇත්තේ.

වෘත්තිය අනුව, පෞද්ගලික විස්තර අනුව, ස්ථානීය නාමයකින්, පියාගෙන් හෝ මුතුන් මිත්තෙකුගේ නමෙන් මෙන්ම අනුග්‍රහය දක්වන නමක් අනුව වාසගම හෙවත් පවුලේ නම නිර්මණය වී ඇති බවයි නෙට් ක්‍රෙඩිට් සමීක්ෂණය පවසන්නේ.

ලාංකීකයන් බහුතරයකට හිමි “පෙරේරා” වාසගම පියාගෙන් හෝ මුතුන් මිත්තෙකුගේ පැවත ගෙන එන බවද එම සමීක්ෂණ වාර්තාවේ සඳහන්ව තිබේ.

පුරාවෘත්තයන්ට අනුව චීනයේ ක්‍රි.පූ. 2852 දී වාසගම ප්‍රථම වරට වාසගම භාවිතයට ගෙන ඇති අතර බටහිර යුරෝපයේ වාසගම භාවිතය මධ්‍යතන යුගයේ දී ආරම්භ වී ඇති බව සහ මහද්වීපයන් හි ජනගහනය ව්‍යාප්ත වනවාත් සමඟ මිනිසුන්ට වෙන් වෙන් වශයෙන් ඇමතීමට වාසගමේ අවශ්‍යතාවය වැඩි වශයෙන් ඇති කර ඇත.

Facebook Comments

Loading...