ආදරයට ලිංගිකත්වයක් නොමැති බව සහ ආදර යනු ප්‍රජාතන්ත්‍රවාදී අයිතියක් බව සංක්‍රාන්තික ලිංගිකයන්ගේ අයිතිවාසිකම් වෙනුවෙන් පෙනී සිටින ක්‍රියාධාරනියක් පවසයි.
හදවතට එකගව තමන් කැමති කෙනෙක් හට ආදරය කිරීමේ අයිතිය මෙලොව උපදින සෑම මනුෂයෙක්ටම ඇති බව පෙන්වාදෙන භූමි හරේන්ද්‍රන් ආදය යනු සීමා මායිම් නැති වෙනස් කමකින් තොරව විදින්න ලැබිය යුතු හැගීමක් බවටයි අවධාරණය කරන්නේ.
ආදරය පුද්ගලික අයිතියක් මෙන්ම සැමට ආදරය කිරිමේ නිදහස තිබිය යුතු බවට භූමි හරේන්ද්‍රන් කියා සිටියේ ආදරවන්තයින්ගේ දිනය වෙනුවෙන් සිලෝන් ජර්නල්ස් හා සාකච්ඡාවකට එක්වෙමිනි.
ආදරය බාල්දු වෙලා
“ආදරය කියන වචනය අද බාල්දු වෙලා ලිංගිකත්වය මත පමණයි අද සමාජය ආදරය දිහා බලන්නෙ එහි ආත්මීය බැදීමක් නැහැ” යනුවෙන් යැයිද ඇය කියා සිටියේය.
අද වන විට ආදරය බිත්ති හතරක් ඇතුලත සමරන දෙයක් බවට පත් වී ඇති බව පවසන භූමි හරේන්ද්‍රන් තම ආදරයට වඩා මොන යම් හෝ වෙනස් විදියක ආදරයක් දිහා පිළිකුල් සගත ලෙස බලන තරමට සමාජ කුහක වී ඇති බවට චෝදනා කරයි.
එය අසාධාරණ බවට පවසන ලිංගිකයන්ගේ අයිතිවාසිකම් වෙනුවෙන් පෙනී සිටින ක්‍රියාධාරනිය පෙන්වා දෙන්නේ ලෝකට හොර රහසේ හෝ සමකාමීන් ලිංගිකත්වයට එහා ගිය ආත්මීය බැදීමකින් ගෞරවාන්විතව තම ආදරය පවත්වාගෙන යන බවයි.
විෂම ලිංගිකයන් සේම තම ආදරය නිදහසේ විදීමේ අයිතිය සමකාමීන්ටද ඇති බවත් ආදර යනු ප්‍රජාතන්ත්‍රවාදී අයිතියක් බව අවධාරණය කරන භූමි හරේන්ද්‍රන් සැමට සුබ පෙමිවතුන්ගේ දිනයක් වේවා යැයි ප්‍රර්ථනා කරමින් සෑම ආදරයකටම ගරු කරන ලෙසටද ඉල්ලා සිටියාය.
Facebook Comments
