ජවිපෙ නායකයෝ “ජාතිවාදී ඔලුව තවම හදාගෙන නෑ” (VIDEO)

0

ජනතා විමුක්ති පෙරමුණ ප්‍රමුඛ ජාතික ජන බලවේගය ෆැසිස්ට්වාදයට සහාය වන බවට ජාතිවාදයට, ආගම්වාදයට එරෙහිව සටන් වඳින වාමාංශික නායකයකුගේ දැඩි දෝෂ දර්ශනයට ලක්ව තිබේ.

එක්සත් ජාතික පක්ෂය, ශ්‍රී ලංකා නිදහස් පක්ෂය හා අනෙකුත් වාමාංශිකයන් එක්ව ඇති අවස්ථාවක ඔවුන් වෙන්ව තරග කොට ජන්ද කැඩිමේ උත්සාහයක නිරත වන බවටයි නව සම සමාජ පක්ෂ නායකයා චෝදනා කරන්නේ.

“අපිට කණගාටුයි කියන්න ජනතා විමුක්ති පෙරමුණ පහුගිය කාලේ එක පැත්තකට වෙලා සමාන්‍ය විදියට අපි හිතුවා ඔලුව හදා ගනී කියලා. මොකද 88 වෙකකොට එගොල්ලො හිටියේ ජාතිවාදී නායකයෝ විදියට. ඒකෙ ඉඳලා ක්‍රමානුකූලව සාධාරණ තැනකට ඇවිල්ලා හිටියා කියලා අපි විශ්වාස කළා. නමුත් දැන් පේනවා ඒගොල්ලො තනියම පුලුවන් මේකට මුහුණ දෙන්න කියලා ජන්ද කඩන්න ව්‍යාපාරයක් ඇති වෙලා තියෙනවා.” ආචාර්ය වික්‍රමබාහු කරුණාරත්න කොළඹ පැවති මාධ්‍ය හමුවක දී කියා සිටියේය.

දෙවැනි මනාපය පිළිබඳව කතා කිරිම “මෝඩ කතාවක්” බව කී ආචාර්ය වික්‍රමබාහු දෙවැනි මනාපය ගණන් කිරිමට අවස්ථාවක් නොලැබෙනු ඇති බවට විශ්වාසය පළ කළේය.

තුන් වැනි බලවේගයක් ගැන කතා කිරීම කට මැත දෙඩවීමක් බව පවසන නසසප නායකයා මේ මොහොතේ ඇත්තේ ගෝඨාභය රාජපක්ෂ පරාජය කිරිමේ ෆැසිස්ට්වාදයට එරෙහි සටන පමණක් බව ද අවධාරණය කර සිටියේය.

“ඔය තමුන්නාස්සේලා කරේ තියා ගන්න හදන ඔය බලවේගයම තමයි බලයට ආවොත් තමුන්නාන්සේලාව හිරේට දාන්නේ ජර්මනියේ හිටලර් කළා වගේ.” යැයි වැඩි දුරටත් අනතුරු ඇඟවු නව සම සමාජ පක්ෂ නායක ආචාර්ය වික්‍රමබාහු කරුණාරත්න ෆැසිස්ට්වාදයට එරෙහි සටනට එක්වන ලෙස ජවිපෙ ප්‍රමුඛ බලවේගයට ආරාධනා කළේය.

Facebook Comments

wedding people