ජනතාව වෙඩි කන යුගය අවසන් කර බත් කන යුගය උදා කළ බව පවසන අගමැතිවරයා එය ඉදිරියට ගෙන යනවාද යන්න ජනතාව තීරණය කළ යුතු යැයි ප්‍රකාශ කර තිබේ.
වෙඩි කෑ යුගය අවසන් කිරීමට නම් හංසායට ජන්දය ලබා දී සජිත් ප්‍රේමදාස ජනාධිපති ධුරයට පත් කරන ලෙසයි අගමැති රනිල් වික්‍රමසිංහ ඉල්ලා සිටින්නේ.
“රාජපක්ෂ පාලන සමයේ සහන ඉල්ලා උද්ඝෝෂණය කළ ජනතාවට එදා වෙඩි තැබුවා. ඉන්ධන මිල අඩු කරන ලෙස ඉල්ලමින් එදා උද්ඝෝෂණය කළ හලාවත ඇන්තනීව වෙඩි තබා ඝාතනය කළා. වැටුප් වැඩි කරන ලෙස ඉල්ලා පෙළපාලි ගිය රොෂාන් චානකව වෙඩි තබා ඝාතනය කළා. ජලය ඉල්ලා උද්ඝෝෂණය කළ රතු පස්වල ජනතාව වෙඩි තබා ඝාතනය කළා. එදා ඒ වෙඩි උණ්ඩය වෙනුවට 2015 සිට අපි ජනතාවට නිදහස ලබාදුන්නා. වෙඩි කන යුගය වෙනුවට බත් කන යුගයක් අප උදා කළා.”
මහින්ද රාජපක්ෂ පාලන සමයේ අලුත් රටක් නිර්මාණය කිරිමට නොහැකි වු බවට චෝදනා කරන අගමැතිවරයා නැවත බලයට පැමිණ රට ගොඩනගන්නේ කෙසේ දැයි ප්‍රශ්න කළේය.
රාජපක්ෂවරු නැවත බලයට පැමිණියහොත් රට පාලනය කරනු ලබන්නේ 2015ට පෙර පැවති ආකාරයෙන්ම බවද අගමැති රනිල් වික්‍රමසිංහ වැඩි දුරටත් කියා සිටියේය.
Facebook Comments
