මාධ්‍ය තාමත් ගෝඨාභයට බයයි – හිරුණිකා

0
ජායා- ෂෙහාන් ගුණසේකර

ඉදිරියේ ජනපතිවරණ අපේක්ෂකත්වයට යෝජනා වී ඇති වෙනත් කිසිඳු තරඟකරුවෙකුට නොමැති ආකාරයේ බියක් මාධ්‍යවේදීන් විසින් ගෝඨාභය රාජපක්ෂ හට ඇති බව එක්සත් ජාතික පක්ෂ මන්ත්‍රීවරියක් ප්‍රකාශ කර තිබේ.

වෙනත් යෝජිත අපේක්ෂකයින් මෙන් මාධ්‍යවේදීන් හිටපු ආරක්ෂ ලේකම්වරයා ප්‍රශ්න නොකරන්නේ එම බිය නිසාවෙන් බවටයි හිරුණිකා ප්‍රේමචන්ද්‍ර මන්ත්‍රීවරිය පෙන්වා දෙන්නේ.

ෙ”මන් දැක්වා අපේ මේ මාධ්‍ය මිතුරන් එදා නෙළුම් පොකුණ රඟහලට ගිහිල්ලා එළියේ වෙලී වෙලී ඉන්නවා සියලුම මාධ්‍ය මිතුරන්ට ඇතුලට යන්න දෙන්නෙ නැතුව. ඹ්කෙන්වත් පොඩ්ඩක් මතක් කර ගන්න කොහොමද මාධ්‍යයට ඒ කාලේ සැකුවේ කියලා. අදටත් සජිත් ප්‍රේමදාසට රනිල් වික්‍රමසිංහට ඕන කෙනෙක්ට මයික් එක කටේ ගහන්න පුලුවන් බය නැතුව. ඔබ ඒත් බයයිනෙ ගෝඨාභයගේ මුණට මයික් එක ගහන්න. එහෙම කරනවා මම නම් දැකලා නෑ. ගෝඨාභය රාජපක්ෂ පිරිසක් එක්ක යද්දි මයික් එක කටේ ගහනවද, එක එක හිතුවක්කාර ප්‍රශ්න අහනවද නෑ. ඕගොල්ලො බයයි.”

පොහොට්ටු පක්ෂයේ තරුණ සමුළුවෙන් මාධ්‍ය ඉවත් කිරිම ගැන කී මන්ත්‍රීවරිය එමඟින් හෝ රාජපක්ෂ පාලන සමයේදී මාධ්‍ය වෙත සැලකු ආකාරය සිහිපත් කර ගන්නා ලෙස මාධ්‍යවේදීන්ගේ ඉල්ලා සිටියේය.

ගම්බද ප්‍රදේශයන්හි ගෝඨාභය රාජපක්ෂ ජනප්‍රිය නැති බව කී මන්ත්‍රිනි හිරුණිකා ප්‍රේමචන්ද්‍ර කොළඹ පවා ඔහු ප්‍රසිද්ධ වී  ඇත්තේ සුදුවෑන් යොද කරන ලද අතුරුදහන් කරවීම් නිසාවෙන් බව ද කියා සිටියාය.

“ගමේ මිනිස්සු දන්නෙ මහින්ද රාජපක්ෂ කියන චරිතෙ විතරයි. කොළඹ මිනිස්සු ඔහු ගැන ලොකු දැනුමක් තියෙනවා. වනාතමුල්ලේ, කොලොන්නාවේ, බොරැල්ලේ මැද කෙළඹ පැත්තෙ ගියොත් එහෙම ගෙවල් පහකින් එක ගේක හරි තරුණයෙක් සුදුවෑන් වලින් උස්සලා තියෙනවා.” යැයි මන්ත්‍රීවරිය වැඩි දුරත් සඳහන් කළාය.

Facebook Comments

wedding people