කතානායකවරයා එම ධුරයෙන් ඉවත් වන බවට පළවන වාර්තා මුළුමනින්ම සාවද්‍ය බව කතානායක මාධ්‍ය අංශය නිවේදනය කර තිබේ.
“2018 ඔක්තෝම්බර් මස 26 වන දින පාර්ලිමේන්තුවේ බහුතරය නොමැතිව නව අගමැතිවරයෙකු දිව්රුම් දිමේ නිතීවිරෝධි සහ ප්‍රජාතන්ත්‍ර විරෝධි ක්‍රියාවලිය වැනි සිදුවිමක් යලි උද්ගත වුවහොත් කථානායකවරයා සිය ධුරයට සමුදී ඉවත්ව යන බවට ප්‍රකාශ කලේ යැයි 26 සඳුදා ඇතැම් මුද්‍රිත මාධ්‍යයන්හි සහ සමාජ මාධ්‍ය කිහිපයක පළව ඇති පුවත අසත්‍ය බවයි මාධ්‍ය අංශය පවසන්නේ.
කතානායකවරයා කිසිවිටකත්, එවන් මතයක් නොදරන බව හා එවැනි ප්‍රකාශයක් සිදු කර නොමැති බවයි නිවේදනයක් නිකුත් කරමින් කතානායක මාධ්‍ය අංශය අවදාරණය කරන්නේ.
පාර්ලිමේන්තු ප්‍රජාතන්ත්‍රවාදයට පටහැනිව සිදුවන ඕනෑම ක්‍රියාමාර්ගයකට එරෙහිව පාර්ලිමේන්තුව විසින් ගත යුතු උපරිම ක්‍රියාමාර්ග ගැනීම‍ට කිසිවිටකත් පසුබට නොවිය යුතුය යන්න කතානායක කරූ ජයසුරියගේ අදහස බව පවසන මාධ්‍ය අංශය එම පුවත අදාල මාධ්‍ය ආයතනයන්හි, අනුමාන කිරිමක් පමණක් බව පෙනී යයි , එබැවින් එවැනි තත්වයක් යළි උද්ගත නොවනු ඇතැයි ද වැඩි දුරටත් සඳහන් කර ඇත.
Facebook Comments
