‘හෝ ගාන පොකුණ‘ චිත්‍රපටයට එරෙහිව බොදුබල සේනා සංවිධානයේ සභාපති ගලගොඩඅත්තේ ඥානසාර හිමියෝ අද (04) පැමිණිල්ලක් සිදු කර ඇත.
මෙම චිත්‍රපටය තුළ බුදුරජාණන්වහන්සේ ගේ සුත්‍ර දේශනාවක් වැරදියට අර්ථ දක්වා ඇතැයි පවසන ඥානසාර හිමියෝ අදළ පැමිණිල්ල චිත්‍රපට සංස්ථාවට පැමිණ ඉදිරිපත්කර තිබේ.
‘පසුගිය කාලේ නිර්මාණ වූ චිත්‍රපට විකාශයට පෙර හාමුදුරුවරුන්ට පෙන්නුවා. මේ චිත්‍රපටය පෙන්නුවේ නැහැ. අපෙත් වැඩි අවධානයක් තිබුණේ නැහැ මේක ළමා චිත්‍රපටයක් නිසා. මෙම චිත්‍රපට නිර්මාණකරුවා ඉතාම වැරදි විදියට සුක්ෂම විදියට හානි කර තියනවා. යනුවෙන් ඥානසාර හිමියෝ පවසයි.
මෙය දඬුවම් කළ හැකි වරදක් ලෙසත් දැන් චිත්‍රපට පෙන්වා අවසන් බැවින් මෙහි ඩී.වී.ඩී පට වෙළඳපළට නිකුත් වීම නතර කරන ලෙස බොදු බල සේනා සංවිධානය චිත්‍රපට සංස්ථාවෙන් ඉල්ලීමක් කර ඇත.
Facebook Comments
