මහින්ද මරන්න කෝටියක් ගත් එජාප මන්ත්‍රී

අදාළ, මන්ත්‍රීවරයා එකල එජාපය හැර මහින්ද රාජපක්ෂ මහතා සමඟ එක්ව ඇත්තේ එම එල්.ටී.ටී.ඊ සාමාජිකයා එවකට බස්නාහිර පළාත් බුද්ධි ඒකකයේ අධ්‍යක්ෂවරයාව සිටි (එවකට ජ්‍යෙෂ්ඨ පොලිස් අධිකාරීවරයකු වූ) රවී සෙනවිරත්න මහතා අදාළ අය අත්අඩංගුවට ගැනීමෙන් පසුව මේ තොරතුරු හෙළිවීම නිසා බව පැවසේ.

කෙසේවුවද, අදාළ එල්.ටී.ටී. සාමාජිකයා අත්අඩංගුවට පත්වීමෙන් පසුව සයනයිඩ් කා හා බෝතලයක් කඩාගෙන තුවාල සිදුකරගිනිමින් සිය දිවි නසා ගැනීමට අවස්ථා දෙකකදී උත්සාහ ගෙන තිබිණි.

රවී සෙනවිරත්න මහතා වර්ථමානයේ රහස් පොලිසිය භාර ජ්‍යෙෂ්ඨ නියෝජ්‍ය පොලිස්පතිවරයාය.

ලංකා, ඉරුදින ඇතුළු පුවත් පත් රාශියක මාධ්‍යවේදියකු ලෙස සේවය කළ චමින්ද සේනාරත්න මහතා වසර 2012 දී “මරාගෙන මැරෙන කොටි” යන කෘතියෙන් මේ සම්බන්ධ කාරණා මීට පෙර හෙළි කර තිබිණි.

සේනාරත්න මහතාගේ කෘතියේ පෙරවදන ලියා ඇත්තේ හිටපු යුද හමුදාපති මේජර් ජෙනරාල් දයා රත්නායක මහතා වන අතර එහි පසුවදන ලියා ඇත්තේ මේජර් ජනරාල් ප්‍රසන්න සිල්වා මහතා විසිනි.

 

සමිතාට CID යට එන්න කිව්වේ මේ කේස් එකට

ජනප්‍රිය ගායිකා සමිතා එරන්දතී මුදුන්කොටුව මහත්මියට පසුගිය දිනක අපරාධ පරීක්ෂණ දෙපාර්තමේන්තුව විසින් ප්‍රකාශයක් ගැනීමට පැමිණෙන ලෙස දන්වා තිබුණේද අදාළ සිද්ධිය සම්බන්ධයෙනි.

සේනාරත්න මහතාගේ කෘතියට අනුව මෙසේ සහය දී ඇත්තේ බාලචන්ද්‍රන් හෙවත් ස්මයිල්ටය.

බාලචන්ද්‍රන් ත්‍රිකුණාමලයේ පලෙයිඋත්තු හි පදිංචිකරුවකු වන අතර ඔහුගේ පියා කන්ද සාමිය මව ලෙච්චමීය.

පිරිමි දරුවෝ සිව්දෙනෙකුද ගැහැණු දරුවෝ දෙදෙනෙකුද වූ එම පවුලේ බාලචන්ද්‍රන් තෙවැනියා විය.

ත්‍රිකුණාමල දෙමළ විද්‍යාලයෙන් අධ්‍යාපනය ලද බාලචන්ද්‍රන් ගේ වැඩිමහල් සොයුරා වන කුමාරන් මෙන්ම බාල සොයුරියත් එල්.ටී.ටී.ඊයේ සාමාජිකයෝ වූහ.

බාලචන්ද්‍රන්ගේ වැඩිමහල් සොයුරා 1986 දී හමුදා ප්‍රහාරයකින් මියගොස් ඇති අතර බාලචන්ද්‍රන් හෙවත් ස්මයිල් ජීව විද්‍යා අංශයෙන් උසස් පෙළද හදාරා තිබේ.

රත්නම්ගේ මිය යාමෙන් පසුව බාලචන්ද්‍රන් පවුල එල්.ටී.ටී.ඊ. ය විසින් මහා වීර පුවලක් ලෙස නම්කර තිබේ.

බාලචන්ද්‍රන් එල්.ටී.ටී.යට එක්ව ඇත්තේ ත්‍රිකුණාමල නායකයා වූ කපිල් අම්මාන් හරහාය.

බාලචන්ද්‍රන්ට චතුර ලෙස සිංහල කතා කිරීමට හැකියාව තිබූ බවත් ඔහුට ඉංග්‍රීසි භාෂාව පිළිබඳවද අවබෝධයක් වූ බවත් පැවසේ.

කෙසේවුවද, ඔහු 2008 වසරේදී එල්.ටී.ටී.යේ උවමනාව මත බුද්ධි අංශ සාමාජිකයකු ලෙස කටයුතු කර ඇති අතර එහිදී මුස්ලිම් ජාතිකයකු වෙමින් සුන්නත් සැත්කමද සිදුකරගෙන ඇත.

 

එජාප මන්ත්‍රීට කළු කොටියා සෙට් කළේ TNA මන්ත්‍රී ලේකම්

අදාළ, එජාප මන්ත්‍රීවරයාට ස්මයිල් හඳුන්වා දී ඇත්තේ දෙමළ ජාතික සංවිධානයේ ජෙයනාදන් මූර්ති මන්ත්‍රීවරයාගේ ලේකම්වරයකු විසිනි.

ඒ 2009 පෙබරවාරි 28 වැනිදාට ආසන්න දිනයකදී පිටකොටුව මැලිබන් පාරේ පිහිටි ඕසීස් හෝටලයේදීය.

හිටපු ජනාධිපති මහින්ද රාජපක්ෂ මහතා කොළඹ 7 ග්‍රෙගරි පාරේ අංක 14 ස්ථානයට නිතර යන එන බැවින් ස්මයිල්ට ඒ ගැන ඔත්තු බැලීමට අවස්ථාව සලසාදීම එජාප මන්ත්‍රීවරයාට පැවරුණ කාර්ය බව පැවසේ.

ඒ වෙනුවෙන් ඔහුට රුපියල් කෝටියකට ආසන්න මුදලක් ලැබුණු බවත්, එය මැලේසියාවේ සිටි ප්‍රබල එල්.ටී.ටී.ඊ. සාමාජිකයකු හරහා සිදුවූ බවත් පැවසේ.

මේ මුදල මන්ත්‍රීවරයාට 2009 ජූලි 16 දින හෝ ඊට ආසන්න දිනයකදී ලැබී ඇති බවද වාර්තා වේ.

කෙසේවුවද එම ගිවිසුම අනුව එජාප මන්ත්‍රීවරයා ඔහුගේ කොළඹ පිහිටි නිවසට ස්මයිල් කැඳවාගෙන ගොස් ඇත.

එහි දින දෙකක් කල් ගෙවූ ස්මයිල් මන්ත්‍රීවරයාට අයත් සුඛෝපභෝගී මෝටර් රථයේ අදාළ ස්ථානයේ ඔත්තු බැලීමට අවස්ථා කිහිපයකදී ගොස් තිබේ.

(srilankamirror.com)