යෝජිත නව ව්‍යවස්ථාව මඟින් රට තුල ඇති අසමගිය තුරන් කර හැකි වනු ඇති බවට විදුලිබල බලශක්ති සහ ව්‍යාපාර සංවර්ධන අමාත්‍යවරයා විශ්වාසය පළ කර තිබේ.
නව ව්‍යවස්ථාවෙන් ජාතික සහ ආගමික සහජීවනය සඳහා ප්‍රමුඛත්වයක් ලබා දී තිබෙන බව රවී කරුණානායක ඇමැතිවරයා 14 සඳුදා කොළඹ පැවති ජන හමුවකට එක්වෙමින් පැවසීය.
“මට අවශ්‍ය වන්නේ කයිවාරුව නෙමෙයි. ජනතාවගේ අවශ්‍යතාවයට ඔවුන්ට උපකාර කිරීමයි. අද මේ ශ්‍රී ලංකාව කියන්නේ සිංහල, දෙමල, බර්ගර්, මුස්ලිම්, මැලේ කියන සෑම ජන කොටසකටම මගේ රට කියලා කියන්න පුළුවන්, එකට අත්වැල් බැදගෙන කටයුතු කරන්න පුළුවන් රටක්.”
බෞද්ධාගමට මුල් තැන දී අනෙක් ආගම් වලට සම තැන් දී කටයුතු කිරීම යෝජිත නව ව්‍යවස්ථාවේ ප්‍රමුඛ ලක්ෂණයක් බවද ඇමැතිවරයා සඳහන් කළේය.
“අපි බෞද්ධ රටක්.ඒ නිසා බෞද්ධාගමට මුල් තැන දීලා, අනෙක් සියළුම ආගම් වලට සම තැන් දීලා කටයුතු කිරීම තමයි අපේ අළුත් ව්‍යවස්ථාවේ තිබෙන ප්‍රමුඛ ලක්ෂණය.” යැයි විදුලිබල බලශක්ති සහ ව්‍යාපාර සංවර්ධන අමාත්‍ය රවී කරුණානායක වැඩි දුරටත් කියා සිටියේය.
Facebook Comments
