කොළඹ පිහිටි ඇමරිකානු තානාපති කාර්යාලයට ප්‍රහාරයක් එල්ල වන බවට පල වු වාර්තාව සම්බන්ධව එම පුවත වර්තා කල මාධ්‍යවේදිනිය කැදවා තොරතුරු දැන ගැනීමට පියවර ගන්න‍ා බව අගමැතිවරයා අද පාර්ලිමේන්තුවට දැනුම් දුන්නේය.
ඉස්ලාමිය රාජ්‍ය සංවිධානය විසින් රත්මලානේ පිහිටි ගුවන් හමුදා කඳවුරෙන් ගුවන් යානාවක් පැහැරගෙන කොළඹ පිහිටි ඇමරිකානු තානාපති කාර්යාලයට ප්‍රහාරයක් එල්ල කිරීමේ සුදානම් සම්බන්ධව ඇමරිකානු බුද්ධි අංශ විසින් ශ්‍රී ලංකාවේ බලධාරින්ට දන්වා ඇති බව ජුලි 02 ඉරිදා ලංකාදීපයට දයාසීලි ලියනගේ වාර්තා කර තිබුණි.
මෙම පුවත පල විමෙන් පසු එවැනි සිද්ධියක් සම්බන්ධව තමන් වෙත වාර්තා වී නොමැති බව ශ්‍රී ලංකාවේ ඇමරිකානු තානපති කාර්යාලය හා ශ්‍රී ලංකා පොලිසිය නිවේදන නිකුත් කළේය.
කෙසේ වෙතත් මෙම පුවත සම්බන්ධව 05 බදාදා මන්ත්‍රී මුජුබර් රහුමාන් මන්ත්‍රීවරයා පාර්ලිමේන්තුවේදී ප්‍රශ්න කල අවස්ථාවේදී අගමැතිවරයා කියා සිටියේ එම පුවත “පැල කල පුවතක්” බව සහ එම පුවත් පතට එවැනි ප්‍රහාරයක් සම්බන්ධ විශේෂ තොරතුරු ලැබී ඇද්දැයි සොයා බලන ලෙසට පොලිසියට දැනුම් දෙන බවයි.
ශ්‍රී ලංකාවට අයි එස් තර්ජනයක් නැතැයි පවසන රජය රට තුළ එවැනි තර්ජනයක් ඇතැයි GSP+ බදු සහනය ලබා ගැනීමට ඉල්ලුම් කරද්දි යුරෝපා සංගමයට දැනුම් දී ඇති බව නම සඳහන් කිරිමට අකමැති වු යුරෝපා සංගමයේ කොළඹ තානාපති කාර්යාලයේ දේශපාලන අංශ ප්‍රධානියෙක් සිලෝන් ජර්නල්ස් වෙත මීට පෙර කියා තිබුණි.
Facebook Comments
