ජනපති බලතල කපන පනතට ජනමතය අවශ්‍ය බව අධිකරණ තීන්දුවක්

0
939
Ivory Agency Sri Lanka
wedding people

ජනාධිපති ධුරයේ විධායක බලතල කප්පාදු කිරීමට යෝජනා කෙරෙන විසි වන ආණ්ඩුක්‍රම ව්‍යවස්ථා සංශෝධන කෙටුම්පතෙහි ඇතැම් වගන්ති පාර්ලිමේන්තුවේ විශේෂ බහුතර ඡන්දයෙන් සහ ජනමත විචාරණයකින් සම්මත කල යුත් බවට ශ්‍රේෂ්ඨාධිකරණය තීන්දු කර තිබේ.

අනෙක් වගන්ති පාර්ලිමේන්තුවේ විශේෂ බහුතරයකින් සම්මත වීම ප්‍රමාණවත් බවට ශ්‍රේෂ්ඨාධිකරණය තීරණය කර ඇති බවට 09 අඟහරුවාදා නියෝජ්‍ය කථානායක ආනන්ද කුමාරසිරි පාර්ලිමේන්තුවට දැනුම් දුන්නේය.

විධායක ජනාධිපතිධුරය අහෝසි කිරීම ඇතුලු කරුණු කිහිපයක් අන්තර්ගත 20 වන ආණ්ඩුක්‍රම ව්‍යවස්ථා සංශෝධන පනත් කෙටුම්පත පුද්ගලික මන්ත්‍රී යෝජනාවක් ලෙස පාර්ලිමේන්තුවට ඉදිරිපත් කරනු ලැබුවේ ජනතා විමුක්ති පෙරමුණු පාර්ලිමේන්තු මන්ත්‍රී විජිත හේරත් විසිනි.

පනත් කෙටුම්පත අභියෝගයට ලක් කරමින් පාර්ශව කිහිපයක් විසින් පෙත්සම් කිහිපයක් ගොණුකර තිබු අතර ඒ අනුව ශ්‍රේෂ්ඨාධිකරණය මෙම නියෝගය ලබා දී ඇත.

Facebook Comments