හිටපු එල්ටීටීඊ සාමාජිකයන් නැවත සන්නද්ධ කැරැල්ලකට සැරසෙන බවට සිංහල ජාතිකවාදී සංවිධාන විසින් වරින් වර මතු කරන භීතිකාව පුනරුත්ථාපනය භාර රජයේ ප්‍රධාන බලධාරියා විසින් දුරු කොට තිබේ.
රජය විසින් පුනරුත්ථාපනය කොට ඇති දොළොස්දහසකට අධික විමුක්ති කොටි සාමාජික පිරිස අතරින් කිසිවකුත් කිසිදු රාජ්‍ය විරෝධී හෝ ප්‍රචණ්ඩ ක්‍රියාවක් කර නැතැයි පුනරුත්ථාපනය භාර කොමසාරිස් ජෙනරාල් වරයා ප්‍රකාශ කළේ ස්වයං රැකියා සඳහා ආම්පන්න බෙදීමට යාපනය දිස්ත්‍රික්කයේ පවත්වන ලද රාජ්‍ය උත්සවයකදීය.
“පුනරුත්ථාපනය කරපු සහ නොකරපු අය ගත්තොත් මන් හිතනවා රාජ්‍ය විරෝධී එහෙම නැත්නම් ප්‍රචණ්ඩ ක්‍රියා වල යෙදුනු අය සියයට බින්දුවක් හා සමානයි කියලා මං හිතන්නේ,” යි මේජර් ජෙනරාල් ජනක රත්නායක ප්‍රකාශ කළේය.
මේ වනවිට රජයේ පුනරුත්ථාපනයේ සිටින්නේ එක් අයකු පමණක් බවයි මේජර් ජෙනරාල් ජනක රත්නායක වැඩිදුරටත් පෙන්වා දෙන්නේ.
Facebook Comments
