පාර්ලිමේන්තුවෙන් එළියට දෙන්නේ ජාතිවාදය

පාර්ලිමේන්තුව තුළින් රටට ලබා දෙන්නේ ජාතිවාදී වී ඇණ කොටා ගැනීමය අවශ්‍ය හඬ බවට ජනාතා විමුක්ති පෙරමුණ චෝදනා කර තිබේ.

“අද පාර්ලිමේන්තුව ඇතුලෙන් දෙන හඬ තමයි ජාතිවාදී වෙයල්ලා ගහ ගනිල්ලා කියලා එළියට. ඒක තමයි ජනප්‍රිය කරන්න පුලුවන් ඒක තමයි මාර්කට් එක මේ දවස් වල. ඒක හරි භයානකයි.” යනුවෙන් පාර්ලිමේන්තු මන්ත්‍රී සුනිල් හඳුන්නෙත්ති කියා සිටියේ මාතර නුපේ ප්‍රදේශයේ පැවති ජන හමුවකට එක් වෙමිනි.

දෙමළ භාෂාව කථා කරන මහජන නියෝජිතයින් හට පාර්ලිමේන්තුවේ දොර වසා ප්‍රජාතන්ත්‍රවාදීව අදහස් ප්‍රකාශ කිරීමට ඇති අයිතිය නැති කර කරනු ලැබූ ඓතිහාසික වැරුද්ද නැවත වතාවක් රට තුළ සිදුවිය යුතු නොවන බවයි මන්ත්‍රීවරයා අවධාරණය කරන්නේ.

එම ‍ඓතිහාසික වැරැද්ද මරාගෙන මැරෙන සමාජයක් තුළින් අවසන් වු බව සිහිපත් කළ මන්ත්‍රී සුනිල් හඳුන්නෙත්ති නැවත සමාජය තල්ලු වෙමින් පවතින්නේ එවැනි තැනකට බවට අනතුරු ඇඟවීය.