වමේ ඇතැම් පක්ෂ ෆැසිස්ට් වාදයට අනියමින් උදව් කරන බවට චෝදනා (VIDEO)

0
454
Ivory Agency Sri Lanka
HailHost
wedding people

ශ්‍රී ලංකාවේ වාමාංශික පක්ෂ හා එක්ව එක් පොදු අපේක්ෂකයකු ඉදිරි ජනපතිවරණයට ඉදිරිපත් කිරීමට නොහැකි වුයේ නිදහස් ප්‍රජාතන්ත්‍රවාදියකු සමග එක්වී ෆැසිස්ට්වාදයට එරෙහි වීමට ඇතැම් පක්ෂ දක්වන නොකැමැත්ත නිසා බවට වාමාංශික නායකයකු පෙන්වා දී තිබේ.

ඔවුන් ඒ හරහා සිදු කරනු ලබන්නේ ප්‍රජාතන්ත්‍ර විරෝධි මිනිමරු ෆැසිස්ට් පාලනයට අනියමින් උපකාර කිරිම බවටයි නව සම සමාජ පක්ෂ නායකයා චෝදනා කරන්නේ.

“අපි එකතු වෙලා එක පෙරමුණක ඉඳලා ලිබරල් ප්‍රජාතන්ත්‍රවාදී නායකයාට ඉඩ දීමෙන් පමණයි අපිට ජන්ද බලයෙන් පරාජය කරන්න පුලුවන් වෙන්නෙ. ඒක ඉතාම පැහැදිලියි. එවැනි අවස්ථාවකදී ඒ විදියට කටයුතු කළ යුතුයි තමන්ගේ අනන්‍යතාවය කොයි විදියට පෙන්නුවත්. අවසාන වශයෙන් එකට පහර දීලා ෆැස්සිට්වාදීයා පරාජය කළ යුතුයි කියලා අපිට මාක්ස්වාදි නායකයින් කියලා දිලා තියෙනවා.ඉතිහාසය ඒකයි,” යනුවෙන් අචාර්ය වික්‍රමබාහු කරුණාරත්න අවධාරණය කළේය.

ඉදිරි ජනපතිවරය සඳහා ශ්‍රී ලංකාවේ වාමාංෂික පක්ෂ වෙන්ව තරග නොකර එක් පොදු අපේක්ෂකයෙකු ඉදිරිපත් කිරීමට නොහැකි වුයේ ඇයි දැයි මාධ්‍යවේදී චතුරංග බණ්ඩාර විසින් කොළඹ පැවති මාධ්‍ය හමුවක දී කළ ප්‍රශ්න කිරීමට පිළිතුරු දෙමින් නසසප නායක ආචාර්ය වික්‍රමබාහු කරුණාරත්න මෙසේ පිළිතුරු ලබා දුන්නේය.

පොහොට්ටු පක්ෂය නියෝජනය කරමින් ජනපතිවරණයට ඉදිරිපත් වීමට සුදානමින් සිටින ගෝඨාභය රාජපක්ෂ ෆැසිස්ට්වාදියෙකු ලෙස හඳුන්වා දුන් ආචාර්ය වික්‍රමබාහු කරුණාරත්න අගමැති රනිල් වික්‍රමසිංහ ප්‍රමුඛ ලිබරල් බලවේග සමඟ එක්කාසු නොවී ඔහුව තනිව පරාජය කළ හැක්කේ කෙසේ දැයි වාමාංෂික පක්ෂ විසින් අනාවරණය කළ යුතු බවද වැඩි දුරටත් කියා සිටියේය.

Facebook Comments

HailHost