බොදුබල සේනා නායකයාගෙන් ආරක්ෂා වීමට සන්ධ්‍යා උසාවි යාමට සැරසේ (VIDEO)

0
1328
Ivory Agency Sri Lanka
HailHost
wedding people

ජනාධිපති විසින් බොදුබල සේනා නායක හිමියන් හට සමාව දී නිදහස් කිරීමට එරෙහිව අධිකරණයේ රැකවරණය පැතීමට බලාපොරොත්තු වන බව සන්ධ්‍යා එක්නැළිගොඩ ප්‍රකාශ කර තිබේ.

ගලබොඩඅත්තේ ඥනසාර හිමියන් ජනාධිපති සමාව යටතේ නිදහස් කිරීමට හරහා “ඔහුට තමන්ගේ තිරස්චින ක්‍රියා තමන්ගේ අලජ්ජි ක්‍රියා කිරීමට සුජාත භාවයක් ජනාධිපතිවරයා ලබා දෙනවා,” යැයි ඇය 23 බ්‍රහස්පතින්දා පැවති මාධ්‍ය හමුවක දී කියා සිටියාය.

අධිකරණයට අපහාස කිරීම නිසා හය අවුරුද්දකට සිරගත කරනු ලැබූ බොදුබල සේනා නායක ගලබොඩඇත්තේ ඥනසාර හිමියන්ට ජනාධිපති සමාව යටතේ මැයි 23 වනදා නිදහස ලැබුනි.

ආරක්ෂක හේතු මත පවසමින් නිදහස ලද බොදුබල සේනා නායක හිමියන් වැලිකඩ බන්ධනාගාරයේ පිටුපස ගේට්ටුවකින් වැඩම කර තිබුනේ එහිමියන්ගේ ආධාරකරුවන් වැලිකඩ බන්ධනාගාරයේ ප්‍රධාන ගේට්ටුවේ රැඳි සිටියදී ය.

බොදුබල සේනා නායකයා නිදහස් වීම හරහා තමන්ට මෙන්ම තමන්ගේ දරුවන්ගේ ජිවිත වලට තර්ජනයක් ඇති බවයි අතුරුදහන් මාධ්‍යවේදීයාගේ බිරිඳ සන්ධ්‍යා එක්නැළිගොඩ පෙන්වා දෙන්නේ.

“පැහැදිලිව මේ අය තමන්ගේ බලයත් එක්ක ඇවිල්ලා මට සහ දරුවන්ට හිංසා කරන්න සමහර විට ජිවිත හානි කරන්න පාවා පුලුවන්.” යැයි කියා සිටියේ ගලබොඩඇත්තේ ඥනසාර හිමියන් නිදහස් කර යැවීමට පෙර ඊට විරෝධය පා පැවති මාධ්‍ය හමුවේදි ය.

ජනාධිපති මෛත්‍රීපාල සිරිසේනගේ වගකීම වන්නේ අධිකරණය හා ව්‍යවස්ථාව ආරක්ෂා කිරීම මිස එකිනෙකාගේ සිතැඟි ඉටු කිරීම නොවන බව සන්ධ්‍යා එක්නැළිගොඩ වැඩි දුරටත් අවධාරණය කළාය.

Facebook Comments

HailHost