අන්තවාදී ප්‍රහරයන්ට සම්බන්ධ පුද්ගලයා බොදුබලේ සාමාජිකයෙක්

0
1135

විවිධ ජාතීන් මෙන්ම ආගම් අතර විරසක ඇතිවන ආකාරයේ අන්තවාදී ක්‍රියා සිදුකිරීමට නීතියෙන් කිසිඳු ඉඩක් ලබානොදෙන බවත් එවැන්නවුන් සඳහා 2007 අංක 56දරන සිවිල් හා දේශපාලන අයිතිවාසිකම් සුරැකීමේ පනත යටතේ නීතිය ක්‍රියාත්මක කිරීමට කටයුතු කරන බව පොලිසිය පවසයි.

මෙම ප්‍රහාරයන්ට සම්බන්ධ පුද්ගලයෙක් අත්අඩංගුවට ගෙන ඇති බව පවසන පොලිසිය ඔහුගෙන් ප්‍රශ්න කිරීමේදී එම පුද්ගලයා බොදු බල සේනා සංවිධානයේ ක්‍රියාකාරී සාමාජිකයකු බව අනාවරණය වී ඇති බවද කියා සිටි.

බොදු බල සේන සංවිධානයේ නායක ගලගොඩ අත්තේ ඥානසාර හිමියන් සමඟ ඉතා සමීපව කටයුතු කළ ඇති මොහු 2014 වසරේ සිට මේ දක්වා එම සංවිධානය සමග ක්‍රියාකාරී ලෙස කටයුතු කොට ඇති බව අනාවරණය වී ඇති බවයි පොලිස් මාධ්‍ය ප්‍රකාශක, නියෝජ්‍ය පොලිස්පති ප්‍රියන්ත ජයකොඩි පවසන්නේ.

මෙලෙස ජාතීන් හා ආගම් අතර විරසකයන් ඇති වන ආකාරයෙන් ක්‍රියාත්මක වන කණ්ඩායම් සම්බන්ධයෙන් පොලිසිය ඉතාමත් අවධානයෙන් පසුවන බවත් එවැනි අන්තවාදී කණ්ඩායම් සඳහා රටේ නීතිය බිඳ දැමීමට ඉඩ දිය නොහැකි බැවින් එවැන්නන් සම්බන්ධයෙන් නීතිය ඉතා තදින් ක්‍රියාත්මක කරන බවයි පොලිස් මාධ්‍ය ප්‍රකාශකවරයා පෙන්වා දෙන්නේ.

කෙසේ වෙතත් පසුගිය මාසයක පමණ කාලයක් පුරා කිසිඳුු බාධාවකින් තොරව සිදුවු මුස්ලිම් හා ක්‍රිස්තියානි විරෝධි ප්‍රහාරයන්ට එරෙහිව පියවර නොගැනීම සම්බන්ධව පොලිසිය මෙන්ම නීතිය හා සාමය බාර ඇමතිවරයා දේශීය හා ජාත්‍යන්තර වශයෙන් දැඩි දෝෂ දර්ශනයට ලක් විය.

ප්‍රචණ්ඩ වීමටත් හැකී

නුගේගොඩ වෙළෙඳ සල් ගිනි තැබීම සම්බන්ධයෙන් අත් අඩංගුවට ගෙන සිටින සැකකරු තම සංවිධානයට සම්බන්ධ බවට පොලිස් විසින් කරන චෝදනාව බොදු බල සේනා සංවිධානය ප්‍රතික්ෂේප කරයි.

තම සංවිධානයට ත්‍රස්තවාදය හෝ අන්තවාදය හෝ ප්‍රචණ්ඩත්වය ක්‍රියාත්මක කරන්න අවශ්‍ය නම් ඒ සඳහා බලය, ශක්තිය තිබෙන බව පවසන බොබසේ ප්‍රධාන විධායක ඩිලන්ත විතානගේ එහෙත් කිසි විටෙකත් එවැනි ක්‍රියා වලට සම්බන්ධ නොවන බව අවධාරණය කරයි.

තම සංවිධානයේ සාමාජිකයන් බඳවාගන්නා ක්‍රමවේදයක් නැති බව පෙන්වා දෙන ඩිලන්ත විතානගේ ගැටළු නිරාකරණය සඳහා සාකච්ඡා කිරීම තම ප්‍රතිපත්තිය වුවත් ප්‍රචණ්ඩත්වය යොදා ගැනීමේ හැකියාව තමන් සතු බවටද අනතුරු අඟවා සිටී.

Facebook Comments

wedding people