පාස්කු ප්‍රහාර පිළිබඳව සොයා බැලීමට පත් කරන ලද පාර්ලිමේන්තු තේරීම් කාරක සභාව හමුවේ පෙනී සිටින ලෙස ජනාධිපති මෛත්‍රීපාල සිරිසේන හට එම කමිටුව දන්වා තිබේ.
ජනාධිපතිවරයා හට කොමිසම හමුවේ පෙනී සිටිය හැකි දිනයක් සහ වේලාවක් ඒ සදහා ලබාදෙන ලෙස ඉල්ලීමක් කර ඇති බවයි කාරක සභාවේ සභාපති නියෝජ්‍ය කතානායක ආනන්ද කුමාරසිරි සඳහන් කරන්නේ.
තමන් පාර්ලිමේන්තු විශේෂ කාරක සභාව හමුවේ පෙනී නොසිටින බව ජනාධිපති මෛත්‍රීපාල සිරිසේන මීට පෙර ප්‍රකාශ කර තිබුනි.
ජනාධිපතිවරයා දිනයක් ලබාදුනහොත් පාර්ලිමේන්තු විශේෂ කාරක සභාව හමුවට කැදවා ප්‍රශ්න කිරීම් සිදුකිරීමට බලාපොරොත්තු වන බව පවසන නියෝජ්‍ය කතානායක ආනන්ද කුමාරසිරි එසේ නොවුනහොත් තේරීම් කාරක සභාවේ අවසන් වාර්තාව සකස් කර ඉදිරිපත් කිරීමට කටයුතු කරන බවද සඳහන් කළේය.
පාස්කු ඉරුදින ප්‍රහාරය සම්බන්ධයෙන් සොයා බලන පාර්ලිමේන්තු විශේෂ කාරක සභාවේ නිල කාලය අගෝස්තු මස 23 වන දින අවසන් වීමට නියමිතව තිබුණ ද එය සැප්තැම්බර් මස 30 වන දින දක්වා දීර්ඝ කිරීමට පසුගියදා පියවර ගනු ලැබීය.
Facebook Comments
