තවත් චූදිත හමුදා ප්‍රධානියකුට ජනපතිගෙන් සේවා දිගුවක්

0

පුද්ගලයන් පිරිසක් අතුරුදහන් කිරීම සම්බන්ධයෙන් සැක කෙරෙන නාවික හමුදා නිලධාරියකුට උසාවියෙන් වසං වී සිටීමට උදව් කිරීමේ චෝදනාවට ලක්ව සිටින ශ්‍රී ලංකාවේ සේවයේ නියුතු ඉහලම ආරක්ෂක සෙන්පතියා හට ජනාධිපතිවරයා විසින් සේවා දිගුවක් ලබා දී තිබේ.

ඒ අනුව ආරක්ෂක මාණ්ඩලික ප්‍රධානී අද්මිරාල් රවින්ද්‍ර විජේගුණරත්නගේ සේවා කාලය මේ වසරේ දෙසැම්බර් 31 දක්වා දිර්ඝ කර ඇත.

රාජපක්ෂ පාලන සමයේ කොළඹ සහ ඒ අවටින් පැහැරගනු ලැබූ 11 දෙනකු නාවික හමුදා කඳවුරු වල රඳවා ගෙන වධහිංසා කොට අතුරුදහන් කිරීම සම්බන්ධයෙන් අවශ්‍යව සිටි ලුතිනන් කොමදෝරු චන්දන ප්‍රසාද් හෙට්ටිආරච්චි අත්අඩංගුවට ගැනීමට නොහැකි අන්දමින් නාවික හමුදා මූලස්ථානයේ රැඳී සිටීමට ආරක්ෂක මාණ්ඩලික ප්‍රධානී අද්මිරාල් රවින්ද්‍ර විජේගුණරත්න අනුබල දුන් බවට සාක්ෂි ඇතැයි රහස් පොලිසිය අධිකරණයට කරනු දක්වා තිබේ.

අදාළ නඩුවේ සැකකරුවකු ලෙස නම් කර ඇති ආරක්ෂක මාණ්ඩලික ප්‍රධානියා මේ වන විට අධිකරණය ඇප මත නිදහස් කරනු ලැබ ඇත.

යුද අපරාධ චෝදනා ලබන ලුතිනන් ජෙනරාල් ශවේන්ද්‍ර සිල්වා හමුදාපති ධුරයට පත් කිරීම දෙස් විදෙස් හෙලා දැකීමට ලක්විය.

Facebook Comments

wedding people