“ඇඟට දැනෙන වෙනසක් ගමට ගෙන එනවා”- අගමැති

0
765
wedding people
Loading...

රටේ සාමය හා සංහිඳියාව ප්‍රජාතන්ත්‍රවාදය ගොඩනැගුවා සේම “එන්ටර්ප්‍රයිස් ශ්‍රී ලංකා” වැඩසටහන හරහා ඇඟට දැනෙන වෙනසක් ගමට ගෙන යන බවට අගමැතිවරයා පවසයි.

යහපාලන රජයේ මුල් වසර තුන තුල රටට වෙනසක් ගෙන ආ බව කී අගමැති රනිල් වික්‍රමසිංහ ඇඟට දැනෙන වෙනසක් ගමට ගෙන ඒම එන්ටර්ප්‍රයිස් ශ්‍රී ලංකා සහ ගම්පෙරළිය වැඩපිළිවෙළින් ආරම්භ කරන බවයි පෙන්වා දෙන්නේ.

වසර 2015 දී රටේ ජනතාව වෙනසක් බලාපොරොත්තුවෙන් අපට ජනවරම් දෙකක් ලබා දුන්නා එතුළින් මුල් අවුරුදු තුනේ රටට දැනෙන වෙනසක් ගෙන ආ අප ඇඟට දැනෙන වෙනසක් ගමට ගෙන ඒම එන්ටර්ප්‍රයිස් ශ්‍රී ලංකා සහ ගම්පෙරළිය වැඩපිළිවෙළින් අද ආරම්භ කරනවා. යි අගමැතිවරයා 29 බදාදා මොණරාගල පැවැත්වෙන් “එන්ටර්ප්‍රයිස් ශ්‍රී ලංකා” සැමරුම් උත්සව සභාව අමතමින් කියා සිටියේය.

පළමු වසර තුන තුල කඩුල්ල ආරක්ෂා කර ගනිමින් යහපාලන රජය ක්‍රිඩා කල බවත් “ඉදිරියේ දී අපේ පිතිකරුවන්ට අවශ්‍ය තරමට ලකුණු ගහන්න තමයි දැන් තියෙන්නෙ. ඒ සඳහා අපේ පිතිකරුවන් සූදානම් විය යුතුයි.” සඳහන් කළේය.

“අපි මොනවද කළේ කියල සමහරු අහනවා. අපි ඒ අයට ක්‍රිකට් ක්‍රීඩාවෙ කතා කරන භාෂාවෙන් පිළිතුරු දෙන්න සූදානම්. අපි පළමු වසර තුනේ කළේ කඩුල්ල ආරක්ෂා කර ගැනීමයි. පන්දු හොඳට පැහැදිලිව බලල සංයමයෙන් ක්‍රීඩා කළා. කඩුළු වැටෙන්න දුන්නේ නෑ. අපේ පිතිකරුවන් කඩුලු නොදී අවශ්‍ය ඉලක්කයට ලකුණු දැන් ගෙනවිත් තියෙනවා.”

අගමැතිවරයාගේ ප්‍රධානත්වයෙන් ඌව පළාතට සුවසැරිය ගිලන් රථ සේවය ඇරැඹීම, ඉඩම් ඔප්පු හා හිමිකම් ඔප්පු ප්‍රදානය, ණය යෝජනා ක්‍රම දියත් කිරීම ඇතුළු කටයුතු රැසක් මෙහි දී සිදු විය.

Facebook Comments

Loading...