සංහිඳියාවට, නිදහස හා ප්‍රජාතන්ත්‍රවාදයට ජනපති‍ගේ කැපවීම අගමැති මෝදි අගයයි

0

ශ‍්‍රී ලංකාව තුළ ප‍්‍රජාතන්ත‍්‍රවාදය සහ නිදහස තහවුරු කරමින් සංහිඳියාවත්, ස්ථීරසාර සාමයත් උදාකර ගැනීමට ජනාධිපති ධුරයට පත්වූ දා සිට ජනාධිපති මෛත්‍රීපාල සිරිසේන සිදු කරන කැපවීම ඉන්දීය අගමැතිවරයා පැසසුමට ලක් කර තිබේ.

නේපාලයේ කත්මණ්ඩු නුවර පැවැත්වෙන බහුආංශික තාක්ෂණික හා ආර්ථික සහයෝගීතාව සඳහා බෙංගාල බොක්ක ප‍්‍රවේශය හෙවත් බිම්ස්ටෙක් (BIMSTEC) හතරවන රාජ්‍ය නායක සමුළුවට සහභාගී වී සිටින ජනාධිපතිවරයා සහ ඉන්දීය අග‍්‍රාමාත්‍ය නරේන්ද්‍ර මෝදි අතර හමුව 30 බ්‍රහස්පතින්දා සිදුවු අවස්ථාවේදී අගමැතිවරයා මේ බව සඳහන් කළේය.

බිම්ස්ටෙක් රාජ්‍ය නායක සමුළුව අවසානයේ එහි සභාපතිත්වය ශ‍්‍රී ලංකා ජනාධිපතිවරයා වෙත භාරදීමට නියමිත අතර බිමිස්ටෙක් සමුළුවේ නව සභාපතිවරයා ලෙස ජනාධිපති මෛත්‍රීපාල සිරිසේන විසින් පවරනු ලබන ඕනෑම කාර්යයක් නිසි අයුරින් ඉටුකිරීමට සූදානම් බව ද ඉන්දීය අගමැතිවරයා අවධාරණය කල බව ජනපති මාධ්‍ය අංශය පවසයි.

අත්දැකීම් බහුල නායකයෙකු ලෙස ජනාධිපතිවරයාගේ නායකත්වය යටතේ බිමිස්ටෙක් සංවිධානය ඉතා ශක්තිමත් සංවිධානයක් බවට පත් වෙනු ඇතැයි විශ්වාසය පල කර ඇති ඉන්දීය අග‍්‍රාමාත්‍ය නරේන්ද්‍ර මෝදි ඒ තුළින් බිම්ස්ටෙක් සමුළුවේ අරමුණු, ඉලක්ක සාක්ෂාත් කර ගැනීමට නව ප‍්‍රවේශයක් ලැබෙනු ඇති බව කියා ඇත.

Facebook Comments

wedding people