සයින්දමරුදු ගැටුමේ ළමා මළ සිරුරු හයක්

0
1230

පාස්කු ඉරිදා ප්‍රහාරයට සම්බන්ධ බවට සැක කෙරෙන කණ්ඩයමක් සහ ශ්‍රී ලංකා රජයේ ආරක්ෂක අංශ අතර ඇති වු සන්නද්ධ ගැටුමක දී මිය ගිය අය අතර ළමයින් හය දෙනකුගේද සිරුරු හමුවූ බව පොලිසිය පවසයි.

කල්මුණේ සයින්දමරුදු ප්‍රදේශයේ සැක සහිත නිවසක් පරික්ෂාවට ගිය විට එම නිවසේ සිට ප්‍රහාරයකට පෙරළා එල්ල කරන වෙඩි ප්‍රහාරයෙන් අවම වශයෙන් පුද්ගලයන් 15 දෙනෙකු මිය ගිය බවයි පොලිස් මාධ්‍ය ප්‍රකාශක කියා සිටියේ.

ළමුන්ට අමතරව සැක සහිත නිවසේ තිබී කාන්තා මළ සිරුරු 3ක්, පිරිමි මළ සිරුරු 3ක් හමුවු බව පවසන පොලිසිය නිවසින් පිටත තිබී තවත් පිරිමි මළ සිරුරු 3ක් ‍සොයා ගත් බව නිවේදනය කළේය.

ආරක්ෂක අංශ සැක සහිත නිවස සොයා යනවාත් සමඟ නිවසේ පිපිරීම් කිහිපයක් සිදුව ඇති අතර ඉන් පසු අවි ගත් කණ්ඩායමක් සෝදිසි මෙහෙයුම් කණ්ඩායමට ප්‍රහාර එල්ල කල බවයි පොලිසිය පවසන්නේ.

පිපිරිම සිදුවු නිවසෙන් පිටත බරපතල තුවාල ලබා සිටි කාන්තාවක් සහ දරුවකු ආරක්ෂක අංශ විසින් රෝහල් ගත කර ඇත.

මේ අතර සමන්තුරේ ප්‍රදේශයේ නිවසක් සෝදිසි කිරිමේදී මරාගෙන මැරෙන බෝම්බකරුවන් ඇඟලන ඇඳුම්වලට සමාන ඇඳුම් කට්ටලයක්, කුඩා යකඩ බෝල ලක්ෂයක් සහ ජෙලග්නයිට් කූරු 150 ක් පමණ ද එම ස්ථානයේ තිබුණු බව පොලිස් ප්‍රකාශක පොලිස් අධිකාරී රුවන් ගුණසේකර සඳහන් කළේය.

ඒ අතර තිබු පාස්කු ඉරිදා ප්‍රහාරයට සම්බන්ධවු බවට පිරිස් දිවුරුමක් ලබා දීමට ඇඳ සිටි නිල ඇඳුම් සහ එයට පසුබිම්ව තිබු ඉස්ලාමීය රාජ්‍ය සංවිධානයේ (ISIS) ධජය සොයා ගත් බව පොලිසිය පැවසීය.

කතෝලික පල්ලි තුනක් හා තරු පන්තියේ හෝටල් ත්‍රීත්වයක් ඉලක්ක කර එල්ල කරන ලද මරාගෙන මැරෙන ප්‍රහාර මාලාවෙන් දෙදිනකට පසුව එහි වගකීම තමන් බාර ගන්නා බව ISIS සිය අමාක් පුවත් සේවය ඔස්සේ නිවේදනය කර තිබුණි.

ඒ සමගම ISIS සංවිධානයේ අමාක් ප්‍රවෘත්ති ඒජන්සිය විසින් ප්‍රකාශයට පත් කරන ලද ප්‍රහාරකයන්ගේ බව පැවසෙන ISIS ධජය පසුබිම් කොටගත් ශ්‍රී ලංකාවේදී ගන්නා ලද බව කියවෙන ඡායාරූපයක් හා විඩියෝ පටයක් එම සංවිධානය පිළිබඳ විශේෂඥ නිව් යෝර්ක් ටයිම්ස් මාධ්‍යවේදිනී රුක්මිනි කලිමචි සමාජ මාධ්‍ය ජාල ඔස්සේ ප්‍රසිද්ධියට පත් කළේය

Facebook Comments

wedding people