සේවක අර්ථසාධක අරමුදල් ප්‍රතිලාභ ලබාගැනීම සභ අයදුම් පත් භාර දීම සඳහා කොළඹ නාරාහේන්පිට පිහිටි කම්කරු මහ ලේකම් කාර්යාලය ට පැමිණීමෙන් වළකින ලෙස කම්කරු කොමසාරිස් ජනරාල්වරයා ලක් වාසීන්ගෙන් ඉල්ලා සිටී.
කොරෝනා වසංගත තත්ත්වය හමුවේ විශාල වශයෙන් මහජනතාව කොළඹ ප්‍රධාන කාර්යාලට පැමිණීම වළක්වා ගැනීමේ අරමුණින් අර්ථසාධක අරමුදල් (EPF) ප්‍රතිලාභ ගෙවීම්වලට අදාල සියළුම කටයුතු ලංකාව පුරා විහිදි ඇති දිස්ත්‍රික් හා කලාප කම්කරු කාර්යාල වලට විමධ්‍යගත කර ඇති බවයි කම්කරු කොමසාරිස් ජනරාල් නීතිඥ ප්‍රභාත් චන්ද්‍රකීර්ති පවසන්නේ.
මෙසේ දිස්ත්‍රික්ක කලාප කම්කරු කාර්යාල වෙත ලබා දෙන EPF ප්‍රතිලාභ ලබා ගැනීමේ අයදුම්පත්‍ර එම කාර්යාල මගින්ම සෘජුවම ශ්‍රී ලංකා මහ බැංකුව වෙත යොමු කිරීමේ පහසුකම් මේ වන විට සම්පාදනය කර ඇති බව රජයේ ප්‍රවෘත්ති දෙපාර්තමේන්තුව පවසයි.
එම නිසා සිය අයදුම්පත්‍ර දිස්ත්‍රික් හෝ කලාප කාර්යාල වලට දීම තුළින් ප්‍රතිලාභ මුදල් ලබා ගැනීමේ කිසිදු ප්‍රමාදයක් සිදු නොවන අතර, එවැනි ප්‍රමාදයක් ඇති වේ යැයි කිසිදු සැකයක් හෝ බියක් ඇති කර ගත යුතු නොමැති බවද ප්‍රභාත් චන්ද්‍රකීර්ති වැඩි දුරටත් පෙන්වා දෙයි.
එහෙත් කොළඹ ප්‍රදේශයේ ආයතනයක සේවය කළ අයකුගේ ප්‍රතිලාභ ලබා ගැනීමේ දි, මේ වන විට එම ආයතනය වසා දමා ඇත්නම් පමණක් සිය අයදුම්පත් භාරදීම සඳහා කම්කරු දෙපාර්තමේන්තුවේ කොළඹ පිහිටි කම්කරු මහලේකම් කාර්යාලයට පැමිණිය යුතු බව කම්කරු කොමසාරිස් ජනරාල්වරයා පවසයි.
කළුතර, ගම්පහ, මහනුවර, ගාල්ල, යාපනය, රත්නපුර, බදුල්ල, ත්‍රිකුණාමලය, කුලියාපිටිය, අනුරාධපුර, අවිස්සාවේල්ල, අම්පාර, මඩකලපුව, බදුල්ල, හලාවත, හපුතලේ, ගාල්ල, ගම්පොල, හම්බන්තොට, හැටන්, මාතර, මතුගම, මොනරාගල, මහරගම, මීගමුව, නුවරඑලිය, ජා ඇල, පානදුර දකුණ, කහවත්ත, කෑගල්ල, කුරුණෑගල, මාතලේ, පොලොන්නරුව, වව්නියාව, පුත්තලම,මහව ,වෙන්නප්පුවයන ප්‍රදේශවල පිහිටි දිස්ත්‍රික්ක හා කලාප කාර්යාල වෙතින් සේවක අර්ථසාධක අරමුදලේ ප්‍රතිලාභ ලබා ගැනීමේ කටයුතු සම්පූර්ණ කරගත හැකි බව රජයේ රජයේ ප්‍රවෘත්ති දෙපාර්තමේන්තුව දැනුම් දෙයි.
Facebook Comments
