පලාත් සභා පිහිටුවීම තමන්ට රට ගැන අයිතියක් දැනවෙන පියවරක් බව දෙමළ සන්ධාන නායකයා ප්‍රකාශ කර තිබේ.
පලාත් සභා ක්‍රමය යටතේ පලමු වරට බලය බෙදීම සිදුවු බව පෙන්වා දී ඇති ආර්.සම්බන්ධන් ඒ හරහා ඒකීය නොබෙදුණු රටක් ලෙස ස්වෛරීත්වය අරක්ෂා වු බව 28 බ්‍රහස්පතින්දා පාර්ලිමේන්තුවේදී පැවසීය.
“පලමු වරට බලය බෙදීම 13 වැනි සංශෝධනය යටතේ සිදු වුණේ. ඒකීය නොබෙදුණු රටක් ලෙස ස්වෛරීත්වය අරක්ෂා කර ගනිමි, තමන්ට රට ගැන අයිතියක් හැගීම දැනවෙන පියවරක් ලෙස පළාත් සභා හැදින්විය හැකියි.”
හැකිතාක් ඉක්මනින් පලාත් සභා මැතිවරණය පැවැත්වීම සහ ඒ සම්බන්ධයෙන් සියලු දෙනා පිළිගත හැකි විසඳුමකට යා යුතු බව ද දෙමළ සන්ධාන නායකයා අවධාරණය කර ඇත.
සියලු දෙනාගේ යහපත වෙනුවෙන් රටේ ප්‍රශ්න විසඳා ගත යුතු යැයි අවධාරණය කර ඇති සම්බන්ධන් මන්ත්‍රීවරයා යුක්තිය සාමය හා සමානාත්මතාවය පදනම් කරගෙන වැඩ කටයුතු කලහොත් ගැටලු නිරාකරණය කර ගත හැකි බව පෙන්වා දී තිබේ.
රටේ ප්‍රජාතන්ත්‍රවාදය තහවුරු වීමට හැකි ඉක්මනින් පලාත් සභා මැතිවරණය පැවැත්විය යුතු බව දෙමළ සන්ධාන නායකයා ආර්. සම්බන්ධන් වැඩි දුරටත් සඳහන් කර ඇත.
Facebook Comments
